Спорт
Пандев од јануари ќе биде слободен играч?
Горан Пандев наскоро би можел да стане слободен играч, пренесува спортскиот канал Евроспорт и додава дека од јануари 2010 година тој ќе може да си бара нов клубл
Неодамна Милан изрази желба да го види Пандев во своите редови, а вчера тренерот на Интер Жозе Мурињо изјави дека „би сакал Пандев да го види на стадионот Џузепе Меаца“ или Лука Тони од Баерн Минхен. Лацио во меѓувреме ги чувствува последиците од неиграњето на Пандев како и на соиграчот Кристијан Ледесма и моментално се наоѓа на 15-то место во италијанската Серија А и се приближува до зоната за испаѓање од првата лига. Македонскиот интернационалец особено би бил корисен за „лацијаните“ наредниов викенд кога на домашен терен во Рим ќе го пречека шампионот Интер, а Лацио ќе игра без суспендираниот Мауро Зарате.„Навистина е голема штета што Пандев нема да игра на натпреварот. Без Горан и Кристијан ние сме многу послаби. Но тоа се одлуки кои клубот треба да ги донесе“ изјави Зарате.На 26 септември Пандев официјално поднесе барање за раскинување на договорот со Лацио, од тогаш тој е исклучен од тимот. Во досегашните 16 кола од Серија А, Лацио има само три победи, 6 порази и 7 нерешени резултати, а во Европа лигата не успеа да се пласира помеѓу најдобрите 16 екипи./крај/ес/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.