Спорт
Агбонлахор: Ќе го мразам Ди Матео до крајот на животот поради Петров
Габриел Агбонлахор вели дека ќе го „мрази“ Роберто ди Матео до крајот на животот откако тренерот не му понудил на неговиот бугарски соиграч Стилијан Петров нов договор откако тој се опоравил од леукемија.
Ди Матео беше менаџер на Астон вила во 2016 година, кога Петров сакаше да се врати на фудбалот по болеста. Тогаш на 37 години, Петров се врати на тренинзи со првиот тим на Вила пред сезоната 2016/17, но Ди Матео му порача дека нема да биде дел од тимот и му понуди да биде тренер во тимот.
Напаѓачот Агбонлахор, вели дека тоа не може да се прости.
„Ќе го мразам до крајот на мојот живот поради тоа. Секој друг менаџер со малку срце ќе му дадеше договор. Едномесечен, шестмесечен, што е тоа важно? Да се биде толку безмилосен и без срце, навистина… Замислете да се вратите од таква страшна болест, да се подготвите физички и да не добиете нешто? Уште тогаш го прашав: ’Што правиш? Како можеш да се однесуваш така?’“, вели Агбонлахор.
Петров одигра 218 меча за Вила од 2005 до март 2012 кога му беше дијагностицирана акутна леукемија. Тој беше капитен во сезоната 2012/13 под менаџерот Пол Ламберт, иако не можеше да игра поради интензивната хемотерапија.
Ди Матео тврди дека му дал шанса да остане во клубот како тренер, но тој го одбил тоа. Само четири месеци подоцна Ди Матео доби отказ откако Вила имаа само една победа во 12 меча и оттогаш не работи како тренер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.