Пеп Гвардиола повторно инсистираше дека мнозинството англиски фудбалски фанови би сакале Ливерпул да ја освојат титулата од Премиерлигата поради историјата на клубот, посочувајќи дека неговите Манчестер сити и покрај доминацијата се „аутсајдери на деценијата“.

Пред последното коло од Премиерлигата, Манчестер сити има само поен предност пред Ливерпул, и во последното коло ги пречекуваат Астон вила на Стивен Џерард, додека Ливерпул игра со Вулверхемптон.

„Сигурен сум дека мојот англиски по 4, 5 години не е доволно добар. Кажав дека кога ќе стигнете до титулите, тимовите со поголема историја имаат повеќе навивачи. Тоа се случува и во Шпанија и во Германија и во Италија. Ние сме аутсајдерите последната деценија. Секако, сите луѓе не сакаат Ливерпул или ние да сме шампиони. Фановите на Ливерпул сакаат тие да се шампиони, и иако не велам дека цела земја навива за Ливерпул, во основа тие се тимот со повеќе титули. Можеби грешам, но во сите земји има два или три тима за кои луѓето почесто навиваат. Ливерпул, Јунајтед и Арсенал имаат многу историја, ние сме нови“, објаснува Гвардиола.

"We are new outsiders in the last decade."

Pep Guardiola insists more people want Liverpool to win the Premier League as they have a greater history of winning titles 🏆 pic.twitter.com/Zo9PjUpAhI

— Sky Sports News (@SkySportsNews) May 20, 2022

Гвардиола пак со „бисер“: Цела Англија навива за Ливерпул

Пеп одговара: Кој трошеше повеќе од Ливерпул во 1970-тите и 1980-тите? Или од Фергусон?

Новинската агенција Ројтерс објави дека бахреинскиот конзорциум Инвесткорп се повлекол од трката да стане нов газда на Милан, оставајќи простор американската компанија Редбрд да стане нов газда на „росонерите“.

Претходно во текот на денот, италијанските медиуми тврдеа дека Редбрд се поготвени веднаш да платат 1.3 милијарди евра за Милан, цифра која може да порасне на 1.8 милијарди со инвестициите во следните неколку години.

Милан во моментов се во сопственост на Елиот менаџмент, компанија која стана газда на клубот откако претходниот сопственик, кинескиот милијардер Јонхонг Ли не успеа да ги врати долговите кои ги направи кога го купи Милан од Силвио Берлускони.

Според Ројтерс, Инвесткорп биле блиску до договор, но не успеале да се договорат за формулата со која ќе се обезбедат потребните 1.2 милијарди евра, од кои 400 милиони ќе пристигнеле преку позајмици, нешто што не им се допаѓачо на луѓето од Елиот.

Milan, Reuters annuncia: Investcorp si tira fuori dalla corsa all'acquisto del club rossonero https://t.co/M9RRDhUOW9

— TUTTOmercatoWEB (@TuttoMercatoWeb) May 20, 2022

Фудбалскиот клуб Шкендија доби забрана за играње четири натпревари на Градскиот стадион во Тетово и ќе мора да биде домаќин најмалку 100 километри подалеку, како казна за лошата организација на натпреварот против Шкупи во претпоследното коло од завршеното првенство на Македонија.

Дополнително, Шкендија е казнета и парично, со 5.000 евра во денарска противвредност.

Дисциплинската комисија на ФФМ ја донесе оваа одлука откако претходно Натпреварувачката комисија го суспендираше стадионот во Тетово за настапите на Шкендија.

Со оглед дека првенството е завршено, суспензијата на Шкендија се префрлува на првите четири натпревари од следната натпреварувачка сезона, 2022/23.