Спорт
„Ако се танцува по секој постигнат гол натпреварите ќе траат три дена“
Поранешниот капитен на Мнчестер јунајтед, Рој Кин повторно го критикуваше начинот на кој Бразилците го прославуваат секој постигнат гол. Фудбалерите на „Селесао“ во духот на својот карактер буквално танцуваат на теренот по постигнатите голови. Кин смета дека со тоа го омаловажуваат противникот.
Бразилскиот танц особено беше нагласен во осминафиналето против Јужна Кореја, кога постигнаа четири гола, а третиот гол на Ришарлисон танцуваше и селекторот Тите.
Кин ги критикуваше по мечот со Јужна Кореја и продолжи и пред мечот со Хрватска.
„Не разбирам како тренер може да танцува додека се уште трае натпреварот, а има противнички тренер на десетина метри од него. Се работи за почит. Танцувајте потоа во соблекувалната или во ноќен клуб“, изјави Кин.
„Но, зошто е во ред Бразил да го прави тоа за време на натпреварите? Ако сите танцуваат посекој постигнат гол, натпреварите ќе траат три дена. Знаете што? Кога тренерите ќе ја добијат својата професионална лиценца, тогаш треба да им се покаже и како танцуваат. Заборавете на тактиката“, се пошегува Кин.
The Samba Dance 🔥🔥 Brazil pic.twitter.com/8cLSibWoMm
— 𝐒𝐔𝐏𝐑𝐄𝐌𝐄 𝐆𝐎𝐀𝐓™ (@SupremeGoat) December 5, 2022
Кин пред неколку дена за прв пат ја критикуваше прославата на Бразил.
По мечот со Јужна Кореја, Кин доби поддршка од поранешниот репрезентативец на Велс, Греем Сунес.
„Мислам дека е само прашање на време кога некој ривалски играч ќе удри еден од тие Бразилци поради тоа што го прават. Тоа е класично непочитување на ривалот. Не е во ред ова што го прават“, рече Сунес.
Бразил против Хрватска, од 16 часот, ќе ја отвори четвртфиналната фаза на Мундијалот. Победникот од овој натпревар, во полуфиналето ќе игра против Холандија или Аргентина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дуплантис (повторно) го собори сопствениот рекорд
Швеѓанецот Арманд Дуплантис продолжи да ги поместува границите во дисциплината скок со стап. Тој го собори сопствениот светски рекорд за еден сантиметар на митингот во Дијамантската лига во Ксианмен, Кина.
Новиот светски рекорд сега изнесува 6,24 метри, претходниот рекорд го постави лани во септември на митингот во Јуџин, САД.
„Прв пат се натпрварувам во Кина и одлично е вака да се започне сезоната на отворено“, изјави Дуплантис, кој натпреварувањето го започна на 5,62 метри.
Потоа скокна 5,82, па 6,00, а потоа го постави новиот светски рекорд.
„За да се постави светски рекорд, сè треба да биде на своето место. Сите работи се поклопија денеска. Дефинитивно по тој скок од 6.00 метри почувствував дека можам да направам нешто вакво. На овој начин се извадив за лошата сезона во сала, иако скокнав 6,10 во Глазгов. Ми требаше малку оган, сакав да си докажам дека можам подобро отколку тогаш“, рече Дуплантис.
DINGUUUUEEEE 🤯🤯
ARMAND “MONDO” DUPLANTIS 🇸🇪 AMÉLIORE SON RECORD DU MONDE DU SAUT À LA PERCHE EN PLEIN MOIS D’AVRIL !!! 😱
6.24M À SON PREMIER ESSAI #XiamenDL #Athlétisme
pic.twitter.com/Cl99Yr4ulr— MR.CARTER (@NelsonCarterJr) April 20, 2024
Спорт
Ѓоковиќ нема да игра на Мастерсот во Мадрид
Новак Ѓоковиќ очекувано нема да игра на Мастерсот во Мадрид.
Ѓоковиќ по трет пат во последните четири години нема да игра во Мадрид, а во последниот настап (2022) стигна до полуфиналето.
Исто така, светскиот број 1 го пропушти турнирот во Мадрид во 2014 и 2015 година.
Условите за игра во шпанската престолнина, земајќи ја предвид надморската височина, се различни од сите други турнири на земјена подлога, вклучувајќи го и Ролан Гарос, што е примарна цел на Ѓоковиќ во овој дел од сезоната.
Следен турнир на Новак најверојатно ќе биде Рим, на кој има освоено шест титули. Мастерсот во Рим е на програмата од 6 до 19 мај.
Спорт
(Видео) Хаос на белградските улици – Тепачка меѓу Делии и Гробари
Сериозни инциденти се се случија во Белград, пред 173-то вечно дерби, меѓу Црвена звезда и Партизан.
Низ улиците на Белград се случиле неколку тепачки, а според видеата на социјалните мрежи, најсериозната тепачка е снимена во центарот на Блеград.
На видеото на страницата „Мој Белград“ се гледаат како летаат камења, а хулиганите имаат палки. Полицијата интервенираше, а имаше и апсења.
Според натписите на сведоците на социјалните мрежи, се слушнале и истрели, а полицијата брзо интервенирала.
Профилот на Инстаграм „Србија во живо Белград“ објави видео на кое хулиганите трчаат со палки во рацете.
Српските медуми објавија дека полицијата уапсила 50 хулигани.