Спорт
Ако замине сега Дембеле, ќе добие половина пари од трансферот
Францускиот напаѓач Усман Дембеле пред речиси еден месец го продолжи договорот со Барселона, а новиот договор е со важност до летото 2024 година. Се зборуваше дека претседателот Џоан Лапорта го убедил Французинот да остане. Дембеле прифатил да остане, но под негови услови, што само го отсликуваат хаосот во кој се наоѓа клубот. Дембеле и покрај тоа што го продолжи договорот, сè уште не е регистриран за новата сезона. Исто е и со засилувањата што пристигнаа на „Камп ноу“.
Во јавноста се појавија деталите од неговиот нов договор, кои откриваат дека во сегашната ситуација и Барселона била принудена да прифати некои тешко разбирливи услови.
Во договорот стои дека Дембеле може да си замине доколку клубот заработи 50 милиони евра од неговата продажба, што е навистина малку ако се земе предвид дека пред пет години Борусија плати 125 милиони евра.
Неговата ослободителна клаузула сега изнесува 100 милиони, но таа клаузула вели дека половина од парите ќе му припаднат на играчот, а половина на клубот. Во случај да се реши да го напушти тимот по завршувањето на оваа сезона, тогаш откупната клаузула ќе изнесува 50.000.000 евра.
Значи, доколку некој ја активира таа клаузула, Барса ќе добие 50 милиони евра. Изгледа дека Лапорта се согласил не се само да го продолжи договорот.
Во новиот договор платата на Дембеле е 16 милиони евра бруто, што може да се зголеми на 20 милиони евра во зависност од настапите на играчот и резултатите на клубот.
Дембеле за Барселона одигра 102 натпревара во Ла Лига и постигна 19 гола со 27 асистенции.
Каталонците ја отвораат новата сезона со дуел со Рајо Ваљекано в сабота.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.