Спорт
Ал-Наср му понудиле богат договор на Димитиревски
Не е само Барселона заинтересирана за македонскиот репрезентативен голман Столе Димитриевски. Македонецот добил понуда од Саудиска Арабија, од фудбалскиот клуб Ал-Наср.
Изминатите денови се поврзува со трансфер во Барселона. „Блауграна“, бара голман кој ќе му биде резерва на Марк-Андре тер Штеген, во случај Бразиелцот Нето да го напушти клубот.
Димитриевски ги негираше овие наводи, на шпанските медиуми. Изјави дека не знае, дека постои интерес од Барселона за неговите услуги.
Од друга страна, трансфер-инсајдерот, новинарот Фабрицио Романо, објави дека Ал-Наср имаат сериозни намери да ангажираат Димитиревски.
Според овој извор, Ал-Наср на Димитиревски му понудиле 7.000.000 евра за двегодишен договор.
Ал-Наср има сериозен тим со Камерунецот Абубакар, Аргентинците Фунес Мори и Пити Мартинез, Бразиелцот Талиска. Тренер е поранешниот предводник на Бика јуниорс, Мигел Анхел Русо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Обезбедувањето го спасило Мбапе од бесните играчи на Барселона
Шпанските медиуми пренесуваат дека по реваншот од четвртфиналето на Лигата на шампионите, во кој ПСЖ победи гостувањето кај Барселона (4:1), Килијан Мбапе предизвикал сериозен инцидент.
Мбапе, кој веројатно ги игра последните натпревари за ПСЖ по натпреварт имал „блиска средаб“ со играчите на Барселона.
Според информациите на шпанските медиуми, Мбапе еуфорично ја прославил победата на ПСЖ извикувајќи: „ова е фудбал, ние зборуваме на теренот“, што некои играчи на Барселона го сфатиле како провокација.
Неколку луѓе од обезбедувањето и луѓето од двата клуба спречиле неколку играчи на Барса кои се упатиле кон Мбапе.
ПСЖ за финалето ќе игра против Борусија Дортмунд.
🚨 Ce geste de Kylian Mbappé aurait rendu furieux certains joueurs du Barça après le match.
Le Français aurait déclaré : « c’est le football et c’est sur le terrain qu’il faut parler. »
— BeFootball (@_BeFootball) April 18, 2024
Спорт
Познати сe полуфиналните термини во Лигата на шампионите
Пари Сен Жермен, Борусија Дортмунд, Баерн Минхен и Реал Мадрид се пласираа во полуфиналето, во Лигата на шампионите.
Познато е дека во полуфиналето ќе се сретнат Пари Сен Жермен и Борусија Дортмунд, односно Баерн Минхен и Реал.
Домаќини на првите натпревари ќе бидат германски клубови, додека реваншите ќе се играат на „Паркот на принцовите“ во Париз и на „Сантијаго Бернабеу“ во Мадрид.
Полуфиналните натпревари се закажани за 30 април и 1 мај, а реваншите на 7 и 8 мај.
Сите натпревари започнуваат во 21:00 часот.
Финалето на Лигата на шампионите е на 1 јуни на стадионот „Вембли“ во Лондон.
Спорт
Де Роси ќе ја води Рома и следната сезона
Даниеле Де Роси и следната сезона ќе остане на клупата на Рома. Поранешниот капитен ги оправда очекувањата и на навивачите и на клупските челници.
Поранешниот италијански репрезентативец, функцијата ја презеде од Жозе Мурињо, кој доби отказ во јануари по поразот од Милан (1:3).
Де Роси ја донесе Рома на петтото место на табелата, кое според сегашната ситуација треба да го одведе тимот во Лигата на шампионите, бидејќи Италија во моментов води на УЕФА рангирањето на најдобрите клубови и со тоа би добила уште едно место во елитното европско клупско натпреварување.
Исто така, Рома е и во четвртфиналето на Лига Европа, каде со Милан се бори за место меѓу најдобрите четири екипи.
„По средбата со Даниеле Де Роси, можеме да кажеме дека ќе остане со нас и следната сезона. Тој донесе позитивни промени и сакаме да продолжиме по тој пат“, изјавија газдите на Рома, Американците Ден и Рајан Фридкин.