Спорт
Алегри: Јувентус мора да заборави на елиминацијата од ЛШ и да ја освои италијанската титула
Јувентус не смее да дозволи испаѓањето од Лигата на шампионите од Ајакс да ја расипе прославата на осмата титула во низа во Серија А ако ја освои в сабота, вели тренерот Масимилијано Алегри.
Скудетото ќе биде мала утеха за клубот од Торино, кој очекуваше трофеј од Лигата на шампионите оваа сезона по доаѓањето на Кристијано Роналдо од Реал Мадрид, но Алегри вели дека пред мечот со Фиорентина дома (во кој им е потребен еден поен да ја освојат титулата), клубот мора да заборави на елиминацијата од ЛШ.
„Најважно е утре да се освои титулата и ќе ја заслужиме поради одличната сезона. Ако ја освоиме, мораме да прославиме. Потоа ќе јадеме чоколадо и ќе имаме време да зборуваме за иднината. Мораме да го надминеме разочарувањето од елиминацијата во ЛШ. Мора да се прифати и да се оди напред. Резултатот не може да се смени и барањето изговори и оправдувања е карактеристика на тие што губат. Ја прифаќаме одлуката на теренот. Не треба да сме во депресија поради пораз од добар тим. Животот продолжува, фудбалот продолжува. Фудбалот не е наука. Доаѓањето на Роналдо не значи дека титулата од ЛШ ни е гарантирана, тоа го кажував цело време“, вели Алегри.
? Allegri: “Tomorrow, we have the chance to seal the Scudetto and we need to. We have to look ahead and get over the disappointment without looking for excuses.”#JuveFiorentina #ForzaJuve pic.twitter.com/Pw0yrHhEOY
— JuventusFC (@juventusfcen) April 19, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.