Спорт
Алиоски: Овде го остваривме сонот за ЕП, утре сакаме нова победа
ТОПСПОРТ во Тбилиси,
Никола Ѓуровски
Фудбалската репрезентација на Македонија утре (18 часот) ќе и се спротистави на Грузија во Тбилиси во претпоследниот меч од годинашното издание во Лигата на нации. Тбилиси буди убави спомени, тука изборивме пласман за ЕП, но не смееме да го заборавиме и поразот од Грузија (0:3) во Скопје во оваа Лига на нации.
„Овде ние го остваривме сонот, го знаеме многу добро овој стадион. Но, тоа е сега минато. Сега е ова поинаков меч, а ние имаме поинаков тим. Сега јас сум еден од поискусните, но мора да кажам дека сите млади имаат одлична шанса да се докажат. И верувам дека не им е потребна мотивација од нас повозрасните. Ние сакаме да ја оствариме својата цел и веруваме дека можеме да стигнеме до победа“, изјави Езгјан Алиоски.
Селекторот Благоја Милевски е фокусиран на нашиот тим, а имаше одговор и за Грузијците. Тој не смета дека нивниот најдобар играч Квича Кварацкелија може сам да го реши утрешниот меч.
„Секогаш се концентрирам на нашиот тим. Во ред, Кварацкелија е одличен играч, во добра форма е, но знам дека не може сам да го реши натпреварот. Фудбалот е колективна игра, а јас секогаш верувам во мојот тим. Сега посебно, иако имаме проблеми со повредите, па моравме и принудно да освежиме и да подмладиме. Очекувам наше добро издание и позитивен исход“, изјави селекторот на Македонија, Благоја Милевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.