Спорт
Алиловиќ: Капата долу за играчите на Вардар
Мирко Алиловиќ од Пик Сегед долги години еден од најдобрите ракометни голмани во светот не може да ја заборави елиминацијата од Вардар во четврт-финалето, во Лигата на шампионите.
Минатата сезона Пик Сегед имаа големи амбиции, посакуваа пласман на завршниот турнир во Лигата на шампионите, но тој сон им го урна Вардар. Во четврт-финалето Вардар во Скопје победи 31:23, а во реваншот Пик Сегед славеше 29:25, иако на полувреме имаше предност од 17:9, а во вториот дел два пати и водство од девет гола.
На крајот Вардар, кого поради финансиските проблеми сите го отпишаа избори пласман н завршниот турнир, а потоа и ја освои титулата, втора во клупската историја.
Алиловиќ не може да ги заборави тие четврт-финални пресметки и не верува дека Вардар ќе исчезне од ракометната мапа.
„Слушнав дека потпишуваат со некои ракометари, дека клубот ќе продолжи да работи, јас од срце им го посакувам тоа, иако „долу“ загубив со десет разлика. Но да се игра во Скопје е неповторливо искуство. Во стотици арени сум играл во својата кариера, но никаде не сум доживеал некој со толку емоции да го бодри својот клуб. Никаде не сум видел толку неверојатна љубов и емоции…Клубот се дави во финансиски проблеми, се гаси, играчите со месеци не добиваат плата, но беа сплотени и на крајот ја освоија титулата. Нема што да се каже само „капата долу момци“. Други играчи веројатно ќе си заминеа уште на полу-сезоната, но тие останаа, ја освоија Лигата на шампионите и се запишаа во историјата“, рекол Алиловиќ во дел од интервјуто за „24sata.hr“.
Вардар на завршниот турнир со епски пресврт ја победи Барсеона во полу-финалето (29:27), а потоа во финалето го победи и Веспрем (27:24). Алиловиќ смета дека во две дена, колку што трае завршниот турнир, треба да се „поклопат коцките“, односно тројца расположени играчи гарантираат титула.
„Вардар? Губеа осум разлика во полу-финале и направија пресврт во последните 15 минути, а потоа доминираа во финалето против Веспрем…Претходно тоа го направи Монпелје, го елиминираа Фленсбург па Барселона, го победија Врадар и накрајот на Нант…Тоа е таков викенд, во тие два дена или ти се поклопуваат работите или не. Ако тројца играчи имаат добар викенд тоа е најдобар рецепт за освојување на титулата. Најтешка работа во сезоната е да се пласираш на завршниот турнир“, заклучил Алиловиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мундо Депортиво: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара околу трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.
Спорт
Манчестер сити подготвува мега трансфер, мета е играч на Баерн
Манчестер сити, во летниот преоден рок ќе се обиде да го нагажира Џамал Мусиала (21), тврди „Гардијан“. Информацијата е пласирана во јавноста откако Реал Мадрид во четвртфиналето на Лигата на шампионите го исфрли тимот на Пеп Гвардиола, кој нема да може да ја одбрани титулата европски првак од минатата година.
Гвардиола сака дополнителни опции во редот за врска, а главна цел е еден од најголемите таленти во светот. Пред да пристигне во Баерн во 2019 година, Мусиала играше за германски СГ Барокштад Фулда-Ленерц, а потоа и за Саутемптон и Челзи во Англија.
За првиот тим дебитираше во 2020 година и досега има одиграно 161 натпревар, има постигнато 43 гола со 30 асистенции. Досега со Баерн осови 10 трофеи. Иако е роден во Штутгарт, има германско и англиско државјанство. Избра да игра за Германија, во чиј дрес досега одигра 27 натпревари и постигна два гола.
„Трансфермаркт“, веб-страницата која се занимава со проценка на вредноста на фудбалерите, наведува дека Мусиала вреди 110 милиони евра, што го прави еден од најскапите во светот, веднаш зад Фил Фоден и Букаја Сака (130 милиони евра), Винисиус Жуниор (150), Килијан Мбапе, Ерлинг Халанд и Џуд Белингем (180).
Сепак, Баерн нема намера да го пушти Мусијала, кој има договор до летото 2026 година.
За потсетување, најскап играч на Манчестер сити е Џек Грилиш, кој во 2021 година пристигна од Астон Вила за 117,5 милиони евра. Богатите арапски сопственици на Сити веројатно би морале да го соборат тој рекорд за Мусиала.