Спорт
Алжирскиот селектор ги натера Марез и Бенрама да ги обојат косите
Ријад Марез и Саид Бенрама ги вратија своите природни бои на косите на барање на алжирскиот селектор, легендата на африканскиот фудбал, Џамел Белмади.
Двете алжирски премиерлигашки ѕвезди го копираа Фил Фоден од ЕУРО 2020 и на почетокот на сезоната се појавија со „руси“ коси, но на фотографиите од тренингот на алжирската репрезентација се забележува дека двајцата имаат „нормална“ боја на косите.
Според алжирските медиуми, Белмади, кој во својата кариера играше за Пари Сен-Жермен, Марсеј и Манчестер сити, сака неговите фудбалери да имаат „стил за почит и изглед кој ги отсликува традициите на алжирското општество“.
Ова не е првпат Белмади да направи нешто. Во 2018 година, Илијас Хасани се појави на тренинг со руса долга коса и тој му нареди да се истрижи – на следниот тренинг тој имаше кратка црна коса.
Алжир играат со Џибути во првиот меч од квалификациите за СП оваа недела, пред следната недела да играат со Буркина Фасо.
lol belmadi told mahrez and benrahma to get their hair fixed or they’re not playing https://t.co/Bes0x0cEFx
— uɐɹo’l ʇuıɐs sǝʌʎ (@ayaandel_) August 30, 2021
??♂️?? Algeria manager Djamel Belmadi requested that Riyad Mahrez and Said Benrahma both remove their blonde hair as part of his discipline for the Algerian national team. pic.twitter.com/035NzWjT8G
— Algerian Football (@AlgerianFooty) August 30, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.