Ед Вудворд, извршниот директор на Манчестер јунајтед, си поднел оставка во првиот чин, кој изгледа го најавува и заминувањето на „ѓаволите“ од европската Суперлига продолжувајќи го домино-ефектот, кој наводно веќе донесе откажување на Манчестер сити и Челси од елитниот проект и многу сомнежи за учеството на Барселона и Атлетико Мадрид.

Вудворд, според извештаите, беше еден од идеолозите на Суперлигата заедно со првите луѓе на Реал Мадрид и на Јувентус, Флорентино Перез и Андреа Ањели.

За навивачите на Јунајтед, пак, Вудворд беше омразен лик, особено бидејќи зад себе немаше фудбалско педигре, туку по професија е банкар. Претходно, шпекулациите велеа дека капитенот Хери Мегваер и Лук Шо влегле во конфликт со него за влегувањето во Суперлигата, а Маркус Рашфорд денеска ја сподели фразата на сер Мат Базби: „Фудбалот е ништо без фановите“.

BREAKING: Ed Woodward has stepped as executive vice chairman of @ManUtd , @SkyNews understands.

It comes as @ChelseaFC and @ManCity are set to pull out of the European Super League. pic.twitter.com/TqGXhWxjjH

— Tyrone Francis (@TJFrancisLive) April 20, 2021

Анадолу Ефес ја потврди фаворитската улога во првиот меч од четврт-финалето на Евролигата, доминирајќи со 90:63 над ослабениот Реал Мадрид.

Сертач Санли имаше 16 поени и осум скока, Родриге Бобоа имаше 19 поени, а за Ефес немаа најдобра партија ниту Василије Мициќ, ниту Шејн Ларкин, а стигнаа до убедлива победа. Клучот беше во третата четвртина, кога по тесното прво полувреме (44:40), Ефес направи серија од 18-5, за да ја потврди победата. Реал губеа со 14 поени на стартот на последната четвртина (64:50), а потоа Ефес повторно направија серија од 13:3.

Треј Томпкинс со само 13 поени беше најефикасен за „кралевите“, кои мораат да реагираат во вториот меч.

Плановите за европската Суперлига се пред распад откако Челси, Манчестер сити, Барселона и Атлетико Мадрид наводно се повлекуваат од плановите за настапи на елитното натпреварување.

Според Би-би-си, газдата на Челси, Роман Абрамович, донел одлука да се подготват документи за повлекување од лигата по притисокот на навивачите и на јавноста, а според „Сан“, Манчестер сити веќе донел ваква одлука.

Во Шпанија, пак, претседателот на Барселона, Жоан Лапорта, објави дека неговиот клуб нема да се приклучи на Суперлигата додека тоа не го одобрат навивачите.

„Ова е нивни клуб, тоа е нивна одлука“, изјавил Лапорта.

Manchester City have withdrawn from the European Super League.

Chelsea are also preparing documentation to request withdrawing from the European Super League.

More to follow ⤵#bbcfootball

— BBC Sport (@BBCSport) April 20, 2021

Навивачите на Челси ја добија битката – клубот подготвен да ја напушти Суперлигата?