Спорт
Американски тенисер роден во Скопје имаше филмски ден во Акапулко
Стефан Козлов, американски тенисер роден ред 24 години во Скопје, имаше филмски ден на турнирот во Акапулко.
Некогаш вториот најдобра јуниор во светот, не успеа да избори место на главниот турнир. Козлов испадна во последното коло во квалификациите.
Решил да се опушти на плажа, па да го одработи закажаниот тренинг со Рафаел Надал.
Додека траел тренингот, при резултат 3:3 пукнала жица на рекотот на Надал. Паузата Козлов решил да ја искористи за да погледне во својот телефон. Ја видел пораката дека ќе игра на турнирот бидејќи настапот го откажал Американецот, Максим Креси.
Противник во првото коло во беше Бугаринот Григор Димитров.
Против фаворитот Козлов играше сјајно. Првиот сет го доби во тај-брејкот со 10:8, потоа во вториот при резултат 3:3 успеа да направи брејк. Кога го освои поенот за предност од 5:3 во гемови, поради силни грчеви во нозете падна на земја. Доби медицинска помош, но не успеа да го заврши сетот, Димитров успеа да израмни на 1:1.
На почетокот на решавачкиот сет, Кзолов спаси шест брејк топки, успеа да ја врати енергија, направи брејк во шестиот гем и потоа со 6:3 го заврши мечот.
Дуелот траеше три часа и 21 минута, најдолго во историјата на турнирот во Акапулко.
На крајот Козлов заврши со пораката: „Рафа извини што морав денес да го прекинам тренингот“.
Stefan Kozlov, entró como lucky loser, estaba a un game de conseguir la victoria más importante de su carrera y se le contracturan las dos piernas producto de un partido sumamente intenso, aún así terminará el partido, qué huevotes.
pic.twitter.com/KHFuxnNJt5— ????? ????????? (@Riverettii) February 22, 2022
Kozlov was practicing with Nadal when he got the call to enter Acapulco’s’ main draw as lucky loser. pic.twitter.com/RH6ydhCXsx
— José Morgado (@josemorgado) February 22, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.