Спорт
Англичаните и Французите без мака до убедливи победи, Португалија и ЦР7 без муниција со Украина (видео)
Англија и Франција имаа совршен старт на квалификациите за Европското првенство следната година со убедливи победи, додека Португалија, повторно со Кристијано Роналдо во составот, не успеа да ја совалда цврстата Украина во реми без голови.
Англичаните, освојувачите на четвртото место на минатогодишното СП, на „Вембли“ ја „демонтираа“ Чешка со 5:0, предводени со хет-трикот на Рахим Стерлинг и голот од пенал на Хери Кејн.
Франција пак, имаше уште полесна задача, откако на гостувањето во Молдавија во полн состав го решија победникот во првите 36 минути за 4:1 победа. Антоан Гризман, Рафаел Варан и Оливие Жиру погодија во првото полувреме, додека Килијан Мбапе стрелаше во второто за светските шампиони со победа да ги стартуваат квалификациите во групата во која немаат вистински ривал (покрај Молдавија, тука се и Турција, Албанија, Исланд и Андора).
Португалците на „Естадио да луж“ ги почнаа квалификациите за турнирот на кој ќе ја бранат титулата освоена во 2016 година, и против себе го имаа својот најголем ривал во групата Б – одличната Украина под Андриј Шевченко. Кристијано Роналдо ја прекина паузата од настапите за националниот дрес, но тоа не беше доволно да се победи Украина и на крајот мечот заврши 0:0.
ЕВРО 2020 КВАЛИФИКАЦИИ, 1.КОЛО
ГРУПА А
Англија – Чешка Република 5:0
Бугарија – Црна Гора 1:1
ГРУПА Б
Луксембург – Литванија 2:1
Португалија – Украина 0:0
ГРУПА Х
Албанија – Турција 0:2
Андора – Исланд 0:2
Молдавија – Франција 1:4
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мегатрансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.