Спорт
Англичаните и Французите „газат“ во квалификациите, Португалија се намачи со Србија (видео)
Светскиот шампион Франција и освојувачот на четвртото место на минатогодишното СП, Англија уште еднаш покажаа дека се во одлична репрезентативна форма, стигнувајќи до убедливи победи, втори по стартот на квалификациите за Европското првенство во 2020 година.
Англија гостуваше во Подгорица кај Црна Гора, чиј селектор Љубиша Тумбаковиќ пред мечот изјави дека не успеал да најде слабост во играта на „трите лава“, и затоа не изненадува 5:1 победата. Сепак, работите не тргнаа најдобро, откако Марко Вешовиќ во 17. минута ги донесе домаќините во водство, но за девет минути мечот целосно се сврте.
Во 30. минута Мајкл Кин, и во 39. Рос Баркли обезбедија Англија да дојде во водство, пред Баркли да постигне уште еден гол во второто полувреме, а Хери Кејн во 71. минута да зголеми на 4:1. Рахим Стерлинг ја продолжи неверојатната голгетерска форма за уште еден гол во мрежата на немоќните Црногорци.
Светските шампиони Франција пак, на „Стад де Франс“ го пречекаа Исланд и ја забележаа втората победа во квалификациите, овојпат со 4:0. Самуел Умтити во 12. минута постигна гол на асистенција на Килијан Мбапе, а Оливие Жиру во 68. минута по нафрлањето на Павар зголеми на 2:0. Печат на мечот ставија Мбапе во 78. и Антоан Гризман во 84. минута.
Во Лисабон, Португалија го загуби Кристијано Роналдо по само 31 минута игра, но успеа да извлече 1:1 реми против Србија, втор нерешен резултат за актуелните европски шампиони. Србија дојде во водство по само седум минути игра со гол од пенал на Душан Тадиќ, но Данило Переира израмни во 42. минута со прекрасен гол.
КВАЛИФИКАЦИИ ЗА ЕВРО 2020, 2.КОЛО
ГРУПА А
Црна Гора – Англија 1:5
Косово – Бугарија 1:1
Табела: 1.Англија 6, 2.Бугарија 2, 3.Црна Гора 1, 4.Косово 1, 5.Чешка Република 0
ГРУПА Б
Луксембург – Украина 1:2
Португалија – Србија 1:1
Табела: 1.Украина 4, 2.Луксембург 3, 3.Португалија 2, 4.Србија 1, 5.Литванија 0
ГРУПА Х
Турција – Молдавија 4:0
Андора – Албанија 0:3
Франција – Исланд 4:0
Табела: 1.Франција 6, 2.Турција 6, 3.Албанија 3, 4.Исланд 3, 5.Андора 0, 6.Молдавија 0
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.