Спорт
Англиската фудбалска сезона не може да биде завршена?
Претседателот на Англиската Фудбалска асоцијација (ФА), Грег Кларк јасно им порачал на претставниците на Премиер лигата дека не верува дека оваа сезона во англискиот фудбал може да биде комплетирана, јавува обично доверливиот „Тајмс“.
Кларк беше дел од итниот состанок на Премиер лигата, на кој се согласија да се стават на пауза сите натпреварувања во Англија до 4 април по низата на случаи на корона вирусот кај фудбалери и членови на тимот. Според „Тајмс“ причината поради која се верува дека англиската сезона не може да биде затворена е по индикациите дека вирусот нема да го достигне својот максимум во Велика Британија до јуни.
„Комерцијалната реалност за Премиер лигата и за УЕФА е ако не се комплетира сезоната тие ги прекршуваат договорите за ТВ-права, бидејќи ТВ-мрежите нема да ги платат купените сезони. За Премиер лигата, ова е сума од околу 3 милијарди евра“, вели човек присутен на состанокот за „Тајмс“.
Друг извештај во весникот „Индепендент“, можноста да се продолжи со фудбалот во април е „невозможна“ и дека најверојатно ќе следува затворање од шест месеци.
„Фудбалските власти во Англија и Европа се подготвуваат за целосно затварање на спортот до септември и покрај стравувањата дека клубовите ќе банкротираат, а спортот ќе се најде на точка на топење“, велат од „Индепендент“.
Откажувањето на сезоната би било најуништувачко за тимот на Ливерпул, кои имаат триумфална сезона која треба да биде крунисана со првата титула по 30 години, но според англиските медиуми дел од премиерлигашките клубови веќе јавно бараат откажување на сезоната, во прв план Вест хем и Тотенхем. Ако се случи откажување, останува нејасно дали Ливерпул ќе го добие трофејот, кој ќе игра во европските купови и кој ќе испадне од лигата.
The FA chairman Greg Clarke has told the Premier League that he does not think the domestic football season will be completed | @Lawton_Times, @martynziegler https://t.co/fcZVld2OHB
— Times Sport (@TimesSport) March 13, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.
Спорт
Баерн го контактирале Арсен Венгер
Баерн се уште е во потрага по нов тренер кој ќе го замени Томас Тухел на крајот од сезоната. Многу имиња „циркулираа“ низ клубот од Минхен, кандидати беа и Чаби Алонсо, Јулијан Нагелсман и Зинедин Зидан, но конкурсот се уште е отворен.
Германските медиуми открија дека клупата на Баерн му била понудена и на легендарниот Арсен Венгер, поранешниот менаџер на Арсенал.
„Долго време не сум во фокусот и мислам дека во овој момент то а не ми е потребно. Јас сум во пензија. Им се заблагодарив на челниците на клубот од Минхен кои се сетија на мене, но мислам дека е време да најдат помлад тренер, кој ќе ја врати старата слава“, откри легендарниот француски тренер.
Поранешниот менаџер на Арсенал вели дека најдобро решение за Баерн би било доколку го ангажираат Зинедин Зидан, кој со Реал покажа дека е роден да освојува трофеи.
„Голем број на клубови ќе бараат тренери во овој преоден рок. Ќе им биде тешко на моите колеги да решат каде ќе одат. Мислам дека најдобро решение за Баерн би бил Зинедин Зидан, но прашање е дали тој сака да работи во Германија, бидејќи мислам дека проблем би бил што тој не зборува германски“, изјави Арсен Венгер.