Спорт
Арсенал киксираше на „Сент Мери“, убедливи победи на Вила и Лестер, Фулам победи во Лидс
Арсенал, лидерот во Премиер лигата, не успеа да победи во Саутемптон. Покрај ремито на лидерот, во оваа рунда убедливи победи забележаа Лестер и Астон Вила, а Фулам славеше во Лидс.
Арсенал имаше предност во Саутемптон, со голот на Џака во 11.минута. Откако не успеаја да постигнат уште еден гол, казната стигна во 65.минута кога Стјуарт Армстронг го совлада Рамсдејл.
Астон Вила, го декласира Брентфорд со 4:0. Вила победи во првиот меч без менаџерот Стивен Џерард. Го декалсира Брентфорд за само 14.минути, период во кој постигнаа три гола. Двоен стрелец беше Дани Ингс.
Лестер има добар тим и прашање на време беше кога поранешните шампиони ќе почнат да играат подобро. „Лисиците“ го освоија седмиот бод во последните три меча. Варди го предводеше тимот до убедливиот триумф 4:0 во Вулверхемптон.
Варди на овој меч го постигна 100. гол во Премиер лигата.
Фулам со пресврт славеа триумф на „Елан роуд“ во Лидс. Александар Митровиќ повторно беше стрелец за Фулам. Српскиот напаѓач го постигна деветтиот гол сезонава и на второто место се израмни со Хари Кејн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.