Спорт
Арсенал, Наполи, Рома, Атлетико навиваат за прекин на сезоната
Фудбалските работници низ Европа вложуваат напори, бараат решенија како да ги завршат сезоните во националните шампионати. Реална опција сезоната да биде поништена постои, тоа вчера го покажаа Холанѓаните.
Холандската влада наложи суспензија на сите спортски активности до 1 септември, поради што Фудбалскиот сојуз ја поништи сезоната. Вакво сценарио е можно во сите земји, особено во оние кои се најмногу погодени од коронавирусот (Италија, Шпанија, Франција, Англија).
Доколку сезоната биде откажана УЕФА учесниците во лигата на шампионите и Лига Европа ќе ги одредува според клупскиот коефициент.
На едно вакво сценарио најмногу ќе се израдуваат Арсенал, Наполи, Рома, Атлетико Мадрид…
Одиме по ред.
Од Англија, според клупскиот рејтинг, во Лигата на шампионите би играле Ливерпул, Манчестер сити, Арсенал и Тотенхем. Во случај да им биде потврдена суспензијата на Манчестер сити тогаш местото ќе го заземе Манчестер Јунајтед. Во Лига Евфопа би се пласирале Челси, Лестер, Вулверхемптон.
Според коефициентот од Шпанија во ЛШ би играле Барселона, Реал, Атлетико Мадрид и Севилја. Во една ваква ситуација ќе ќари Атлетико, а губитник е Реал Сосиедад бидејќи на табелата се наоѓа на четвртото место, додека Атлетико се шести.
Многу повеќе контроверзи би имало во Бундеслигата. Лајпциг се борат за титулата и се пласираа во четврт-финалето во Лигата на шампионите, но во случај сезоната да биде откажана тогаш „биковите“ би останале без своето место во елитата.
Од Германија во ЛШ би се пласирале Баерн Минхен, Борусија Дортмунд, Шалке и Баер Леверкузен, а покрај Лајпциг ќе извиси и Борусија Менхенгладбах.
Слична е и ситуацијата во Италија. Рома и Наполи би влегле во елитата иако според пласманот на табелата се наоѓаат во зоната на Лига Европа. Пред нив се Аталната и и Интер.
Доколку не заврши сезоната Шкендија ќе игра во ЛШ, Вардар во ЛЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.