Давид Алаба потпишал преддоговор со Реал Мадрид, тврди „Марка“. Според овој извор, Австриецот, синоќа, во присуство на докторот на Реал ги минал лекарските прегледи.

Алаба потпишал четири годишен договор со Реал, а како што пишува „Марка“ ќе има плата од 11 милиони евра по сезона. Австриецот во Реал ќе пристигне во јули.

Давид Алаба е играч на Баерн веќе 13 сезони, во Минхен е од 2008 година, а член на првиот тим стана во 2010 година.

За Баварците одиграл 408 натпревари, постигнал 32 голови.

Шест натпревари се одиграа изминатата ноќ во НБА лигата. Победи забележаа Мемфис, Бруклин, Торонто, Чикаго, Мајами и Голден стејт.

Мало изненадување претставува победата на Голден стејт Вориорс над ЛА Лејкерс 115:113. Вориорс, успеаја да ги победат шампионите, и покрај тоа што имаа негатива од 16 поени по првиот дел. Во третиот период се вратија во мечот, а во четвртиот ја изборија победата.

Стеф Кари ги предводеше Вориорс со 26 поени и 7 асистенции, три поени помалку постигна Кели Убре. Кај Лејкерси се истакна Денис Шрудер со 25 поени, Леброн забележа 19 поени, а Ентони Дејвис имаше 17 поени и исто толку скокови.

Бруклин Нетс во драматичен меч ги победија Милвоки Бакс со 125:123. Мечот го реши Кевин Дурент на 30 секунди до крајот, а Крис Мидлтон потоа имаше два обиди но не успеа да избори продолженија.

Џејмс Харден забележа 34 поени, 12 асистенции и 6 скока, а Кевин Дурент запиша 30 поени, 9 скока и 6 асистенции. На спротивната страна Јанис Адетокумбо го предводеше тимот со 34 поени, 12 скока и 7 асистенции, Крис Мидлтон постигна 25 поени.



Резултати:

Торонто-Далас 116:93
Чикаго-Хјустон 125:120
Мајами-Детроит 113:107
Мемфис-Финикс 108:104

Торино потврдија дека го отпуштија тренерот Марко Џампаоло по катастрофалниот старт на сезоната за „биковите“ со само 2 победи во 18 меча, и негова замена најверојатно ќе биде Давиде Никола.

Одлуката била направена по саботното очајно 0:0 реми со Специја, тим кој над 80 минути играше со 10 играчи. Под Џампаоло, Торино имаше 2 победи, 7 нерешени мечеви и 9 порази, постигнувајќи 26 гола и примајќи дури 35. Тие исто така испаднаа и од осминафиналето на Копа Италија, губејќи од Милан на пенали.

Џампаоло на претходното работно место траеше уште помалку – Милан го отпуштија по само седум меча во 2019/20, во кои загуби четири пати и го именуваа Стефано Пиоли, кој оваа сезона засега ги држи на првото место.

📄 | Il Torino Football Club comunica di aver esonerato Marco Giampaolo dall’incarico di allenatore della Prima Squadra. La Società ringrazia Giampaolo e il suo staff per la professionalità e per l’impegno dimostrati in questi mesi in granata pic.twitter.com/1GynlHVoHX

— Torino Football Club (@TorinoFC_1906) January 18, 2021