Спорт
Атлетик ја шокираше Барса во луда завршница, Меси „поцрвене“ по крајно неспортскиот фаул
Атлетик Билбао е шампион од Суперкупот на Шпанија, откако во Севилја во неверојатна завршница, прво успеа да израмни на 2:2 во 90-тата минута од мечот, за потоа во 97-мата минута од продолжението со фантастичниот гол на Ињаки Вилијамс да го освои трофејот. Црна дамка на мечот донесе последната минута од продолженијата, кога Лео Меси направи неспортски фаул, нокаутирајќи го Вилјарлибре.
Атлетик, кој претходно во полуфиналето успеа да ги шокира и Реал Мадрид, двапати губеше, откако Антоан Гризман во 40-тата и 77-мата минута постигна голови, но успеа да се врати во игра откако Асиер Вилјалибре во 90-тата минута успеа да го совлада Марк-Андре Тер Штеген. Само што почна продолжението, Вилијамс со еден прекрасен гол донесе трофеј на баскискиот клуб.
За Атлетик, ова е прв освоен трофеј од Суперкупот во 2015 година, и е совршена утеха откако минатата сезона се пласираа во финалето на Копа дел Реј против својот баскиски ривал, Реал Сосиедад, но мечот беше откажан поради пандемијата на КОВИД-19.
Барселона, пак, пропушти да го освои својот прв трофеј под тренерот Роналд Куман, иако Лионел Меси реши да игра повреден, на крајот мечот ќе биде одбележан со овој неспортски гест.
? ¡Messi EXPULSADO! ? pic.twitter.com/j7A2vm5tMA
— Gonzalo Castro San José (@GonzaloCastroSJ) January 17, 2021
Jamás pensé ver a Messi haciendo esto JAJAJA pic.twitter.com/8hY0ao7BEN
— Zyrux (@Zyrux7) January 17, 2021
Pasaron 753 partidos para que Messi viera una roja en el Barcelona. No es casual que sea en esta era. pic.twitter.com/NGMSypHoGK
— Fútbol Vertical (@futbol_vertical) January 17, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.