Спорт
„Ауба е премногу добар за да игра во Арсенал“
Поранешниот фудбалер на Ливерпул Џејми Карагер верува дека Арсенал се наоѓа во неповолна ситуација со Пјер-Емерик Обамејанг и дека клубот час поскоро мора да донесе одлука околу неговата иднина.
Фудбалерот од Габон е најдобриот играч на Арсенал откако во јануари 2018 година пристигна од Борусија Дортмунд за сума од 63,5 милиони евра. Ауба има постигнато 67 гола на 97 натпревари.
Обамејанг игра добро меѓтоа Арсенал не успева да избори пласман во Лигата на шампионите. Поради тоа тој сака да го напушти клубот. Карагер смета дека Арсенал се наоѓа во слична ситуација во која во 2014 година бил Ливерпул со Луис Суарез.
„Кга бев при крајот на кариерата ние бевме во ваква ситуација, секогаш бевме надвор од Топ 4. Артета мора да се запраша – дали ќе игра во ЛШ со Обамејанг? Дали тој ќе замине без обесштетување на крајот од наредната сезона доколку не го пуштат сега? Таа одлука мора да ја донесат. Доколку не сака да игра за Арсенал нека го пуштат. Во овој момент една работа е сигурна: Обамејанг е премногу добар за да игра во Арсенал“, рекол Карагер.
Ливерпул во 2014 година го продаде Суарез во Барселона кој со Каталонците освои многу трофеи. Прашање е дали истото ќе го напарави и Арсенал со Обамејанг.
Договорот на Габонецот истекува во јуни 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Араухо почнал преговори со Баерн
Врие во Барселона по елиминацијата од ПСЖ во четвртфиналето, во Лигата на шампионите. Спортската јавност во Каталонија се уште се занимава со она што се случуваше по натпреварот на „Монжуик“, кој ПСЖ го доби со 1:4.
Роналд Араухо е трагичарот на реваншот со ПСЖ. Неговото исклучување во 29.минута во целост го сврте текот на натпреварот.
Илкај Гундоган, јавно го критикуваше Араухо веднаш по натпреварот, а потоа Уругваецот доби еден куп навреди на социјалните мрежи од незадоволните навивачи на Барселона.
По ова, Араухо донел одлука да ја напушти Барселона. Каталонската „ТВ3“, обајви дека неговите менаџери ги започнале преговорите со Баерн Минехн. Уругваецот и во зимскиот преоден рок се поврзуваше со трансфер во Минхен.
Договорот на Араухо со Барселона истекува на 30.јуни 2026 година.
Барселона се надеваше дека ќе може да извлече околу 100 милиони евра за Араухо, но последните информации велат поинаку и дека сумата ќе биде помала.
Извештаите укажуваат дека Баерн е подготвен да плати меѓу 65 и 70 милиони евра. Се верува дека Барселона ќе ја прифати оваа сума.
Доколку трансферот на Араухо биде реализиран, Баерн ќе влезе во нова реконструкција на одбраната, бидејќи ниту еден од тројцата централни дефанзивци: Де Лихт, Ким, Упамекано не ги исполни очекувањата.
Спорт
Баерн извиси, Нагелсман ќе остане селектор на Германија
Јулијан Нагелсман нема да се врати во Баерн Минхен. Младиот тренер, потпиша нов договор со Фудбалскиот сојуз на Германија. Ќе остане селектор до Светското првенство во 2026 година.
Пропадна планот на Баерн Минхен дека Наглесман ќе се врати во клубот. Очигледно, Наглесман не го заборави начинот на кој беше избркан од клубот пред една година, од тогашните функционери Хасан Салихамиџиќ и Оливер Кан.
Наследницуте на Салихамиџиќ и Кан, Макс Еберл и Кристоф Фројнд, стапиле во контакт во тренерот и неговиот менаџер. Се извиниле за она што го направија нивните претходници, а по првиот состанок биле убедени дека Наглесман ќе се врати во Минхен. Сепак ги прецениле своите можности и ноќта на Фудбалскиот сојуз на Германија.
Клучен потег на челниците на Сојузот беше продолжувањето на договорот со директорот на репрезентацијата Руди Фелер. Ова беше знак за Нагелсман дека позитивната атмосфера нема да се промени. Фелер е големо име и она што е најважно не е човек на Баерн. Тој има одлични односи со Нагелсман и бил еден од клучните луѓе во преговорите околу новиот договор. Нагелсман на крајот се согласи да потпише двегодишен договор.
„Ова е одлука донесена од срце. Голема чест е да се биде тренер на репрезентацијата и најдобрите германски фудбалери. Со успешни и страсни изданија, имаме шанса да ја инспирираме целата нација. Победите против Франција и Холандија во март ни покажаа дека сме на вистинскиот пат. Бевме трогнати од ентузијазмот на навивачите за понатамошни предизвици како што е Светското првенство во 2026 година“, рече Нагелсман по потпишувањето на новиот договор.
Спорт
Дали Премиер лигата е најсилна во светот на фудбалот?
Сезоната 2023/2024 во европските купови стана вистински кошмар за клубовите од најсилната лига во светот, англиската Премиер лига.
Во завршницата, Премиер лигата има само еден тим. Честа на англиското фудбал ја брани Астон Вила и тоа во третото според ранг европско натпреварување, Конференциската лига.
Англија нема претставник во Лигата на шампионите, откако Манчестер сити и Арсенал беа елиминирани во средата, во четвртфиналето, а претходно Манчестер јунајтед и Њукасл испаднаа во фазата по групи.
Во елитното натпреварување Премиер лигата доживеа вистински дебакл, бидејќи англиските тимови освоија три титули во последните пет сезони.
Синоќа, во четвртфиналето сезоната во Лига Евопа ја завршија Ливерпул и Вест Хем. Во
За прв пат по девет години ниту, Англија нема полуфиналист во двете најсилни европски натпреварувања.
Честа на англискиот фудбал остана да ја брани Астон Вила. Клубот од Бирмингем во полуфиналето ќе игра против Олимпијакос.