Спорт
Auf Wiedersehen Германци, Шведска и Мексико во осминафинале!
Ако сите „стравуваа“ за судбината на Аргентина на Мундијалот во Русија, на крајот светските шампиони Германија се тие кои не одат во осминафиналето откако доживеаја шокантен пораз од Јужна Кореја од 1:0 со гол во 90-тата минута, додека Шведска го „торп…
Ако сите „стравуваа“ за судбината на Аргентина на Мундијалот во Русија, на крајот светските шампиони Германија се тие кои не одат во осминафиналето откако доживеаја шокантен пораз од Јужна Кореја од 1:0 со гол во 90-тата минута, додека Шведска го „торпедираше“ Мексико со 3:0 за да го освои првото место во групата.
Тимот на Јоаким Лев не беше убедлив во текот на подготовките за Русија, ниту на првиот шокантен пораз од Мексико (1:0), но надежта во „маншафт“ беше вратена по драматичната 2:1 победа над Шведска. Против Кореја сите овие илузии за силната Германија беа разбиени, и откако 90 минути не успеаја да им дадат гол на цврстите Корејци, тие вратија со гол во 90-тата минута за збогување од Мундијалот.
Германците, очекувано, имаа поголем посед на топката од почеток, но не успеаја да направат некоја позначајна шанса во првите половина час игра. Јоаким Лев стартуваше со пет различни фудбалери од победата 2:1 против Шведска, враќајќи го Месут Озил во составот, но без многу промени во исходот.
Тимо Вернер во 51. минута ја имаше најдобрата шанса дотогаш, а во 58. минута, Лев го внесува во игра и Марио Гомез во обид да се зголеми притисокот на голот на Корејците, а во 78. минута влегува и Јулијан Бранд и Германците јасно одат по голот кој толку многу им недостасува. Корејците се опасни на контра-нападите, но ниту тие не се многу ефикасни.
Матс Хумелс во 86. минута има совршена шанса со глава, но прави неверојатна грешка. Германците се на работ на нервите. Ким Јонг-Вин ги уништи сите надежи на „панцерите“, со гол во 90-тата минута, за во 95. минута во ситуација која обично се гледа во хокејот, голманот Мануел Нојер излезе напред, и Корејците дадоа уште еден гол во празна мрежа.
Во Екатеринбург, „викинзите“ почнаа фуриозно, откако веќе во втората минута дојдоа во шанса преку Гранквист, но Галјардо „исчисти“ во последен момент. Во 6. минута, нова шанса за Швеѓаните повторно се во шанса, откако од слободен удар Форсберг упатува добар удар, но Очоа брани. Гранквист повторно беше во шанса во 12. минута со удар со глава по корнер.
Мексико, конечно, се закани преку Карлос Вела со удар од работ на шестнаесетникот, но силниот удар е непрецизен. Швеѓаните повторно се во шанса во 31. минута, откако Берг за малку не го совлада Очоа.
Ако во првото полувреме ништо не им одеше според планот, Швеѓаните беа уште поопасни. Во 50. минута, конечно „паднаа“ Мексиканците. Берг со обид во петерецот, но топката доаѓа до напаѓачот на Вердер, Аугустинсон кој го „матира“ Очоа.
Само 10. минути подоцна веќе е 2:0. Берг е соборен во шестнаесетникот и судијата Питана покажува пенал, а Андреас Гранквист е сигурен од белата точка. Во 74. минута беше комплетиран колапсот на Мексиканците кога Едсон Алварез си постигна комичен автогол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.