Поранешниот светски рекет број 1, Шкотланѓанецот Енди Мареј признава дека ги избришал Твитер и Инстаграм од својот телефон откако го гледал документарниот хит на „Нетфликс“, „Социјална дилема“ (The Social Dilemma).

Мареј признава дека во последните месеци прочитал многу написи за неговото наводно повлекување од тенисот, но тоа не е причината за заминувањето од социјалните мрежи, туку документарниот филм во кој се зборува за влијанието на овие мрежи на човековото однесување.

„Немам Твитер на телефонот, а минатата недела го избришав и Инстаграм. Не поради коментарите за пензионирање. Ако си на тие мрежи, тогаш ги гледаш тие вести, но тоа не беше причината. Пред некое време го гледав тој филм ‘Социјална дилема’ и мислев дека е брилијантен. Потоа ги гледав интервјуата со тие кои го направија филмот и сфатив, да, готово за мене со тие работи“, вели 33-годишниот Мареј.



Новак Ѓоковиќ се врати дома по освојувањето на деветтата титула од Австралија опен и вкупно 18-ти гренд слем трофеј, и таму го пречека одличен поздрав од неговото семејство.

На тенискиот терен со топчиња беа напишани 18-те гренд слем трофеи кои ги освои Ѓоковиќ, како и порака од неговата сопруга Јелена, од ќеркичката Тара и синот Стефан.

И ривалите му честитаа на Ѓоковиќ – Роџер Федерер, чиј рекорд од 310 недели на првото место на АТП листата го израмни Србинот, реши да го испочитува тој момент со пост на Твитер.

Congratulations to @DjokerNole on equalling my record of most weeks as world no.1 – Hats off to Novak for a great achievement. pic.twitter.com/xEz59BfyYm

— Roger Federer 🕒 (@____Afriyie) March 2, 2021

Тренерот на Монако, Нико Ковач не успеа да ги додржи солзите на прес-конференцијата пред гостувањето кај Стразбур откако беше запрашан за смртта на Златко Цицо Крањчар, легендарниот хрватски тренер, кој вчера почина на 65 години.

„Тажен сум, тој ми беше мој тренер. Извинете. Не ми е лесно, бидејќи заедно поминавме прекрасни моменти. Златко прво беше прекрасна личност, секогаш весела личност и тренер од кого многу научив. Тој ми ја даде капитенската лента во хрватската репрезентација, така што значењето е уште поголемо. Нека почива во мир“, изјави Ковач.

🇭🇷 Très grosse émotion de Niko Kovac en conf, en répondant à une question sur son ancien entraîneur Zlatko Kranjčar, décédé ce lundi : "C'était une personne formidable. Très importante pour moi." pic.twitter.com/p0CZjQtZL2

— RMC Sport (@RMCsport) March 2, 2021