Спорт
Баерн гостува во Мадрид, Ајакс во Ливерпул
Петтото коло во Лигата на шампионите, во групите А, Б, Ц и Д ќе се одигра вечерва. Дербито е во Мадрид, Атлетико ќе го пречека европскиот првак Баерн. Интересно се очекува да биде и на „Енфилд“ во дуелот на поранешните европски шампиони Ливерпул и Ајакс.
Баерн Минхен обезбеди пласман од првата позиција во групата, во осмина-финалето, додека Атлетико ќе треперат до последното коло. За разлика од Ла Лига, на „јорганџиите“, не им оди во Лигата на шампионите. Си ја компромитираа позицијата со двата нерешени резултати против Локомотив Москва.
Ливерпул, осакатен од повредите, го чека Ајакс. Поразот на Ливерпул во минатото коло, од Аталанта, ја врати неизвесноста во оваа група, каде и Аталанта има големи шанси да стигне до осмина-финалето. Во најдобра позиција засега се „црвените“, имаат два поени повеќе од Аталната и Ајакс.
Група А:
18.55 Локомотив Москва-Салцбург
21.00 Атлетико Мадрид-Баерн Минхен
Табела: Баерн 12, Атлетико 5, Локомотив 3, Салцбург 1
Група Б:
18.55 Шахтјор-Реал Мадрид
21.00 Борусија Менхенгладбах-Интер
Табела: Борусија 8, Реал 7, Шахтјор 4, Интер 2
Група Ц:
21.00 Порто-Манчестер сити
21.00 Олимпик Марсеј-Олимпијакос
Табела: Ман. сити 12, Порто 9, Олимпијакос 3, Марсеј 0
Група Д:
21.00 Ливерпул-Ајакс
21.00 Аталанта-Митјиланд
Табела: Ливерпул 9, Аталанта 7, Ајакс 7, Митјиланд 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.