Франческо „Пеко“ Бањаја победи на „катедралата на брзината“ во холандскиот Асен за да се врати во борбата за титулата, која станува неизвесна по двата пада на лидерот Фабио Квартараро. Воачот на тимот на Валентино Роси, Марко Бецеки стигна до својот прв подиум на второто место, додека Маверик Вињалес обезбеди прв подиум за него оваа сезона.

За асот на Дукати, оваа е трета победа оваа сезона и доаѓа откако не заврши три од последните четири трки во шампионатот, со што може да се надева дека се враќа во борбата за титулата.

Бањаја стартуваше од пол-позицијата и успеа да остане прв и да направи предност од 2 секунди пред ривалите, додека Квартараро падна на четвртото место, дозволувајќи Алеш Еспархаро да стигне зад Италијанецот. Веќе во петтиот круг, Квартараро прави грешка и го „собира“ и Еспархаро пред него, дозволувајќи Марко Бецеки да избие на второто место. И покрај падот, Квартараро и Еспархаро останаа во трката.

Светскиот шампио и лидер во генерален пласман Квартараро, потоа застана во својата гаража барајќи да се откаже од трката, но од Јамаха му порачаа да продолжи за тој да има уште еден незгоден пад на рамо пред конечното откажување. Во исто време Еспархаро, кој претходно постави рекорд на патеката, успеа да се искачи до седмото место на шест круга пред крајот, за во последниот круг да избие на четвртото место. И покрај заканите од дожд во финишот, Бањаја ја задржа огромната предност пред сателитскиот возач на Дукати, Марко Бецеки и Маверик Вињалес на Априлија.

Квартараро и покрај освоените нула поени, останува лидер во генерален пласман со 172 поени, 21 пред Еспархаро на второто и 58 поени пред Жоан Зарко на третото место. Бањаја е четврти со 66 поени помалку.

Тренерот на Монако, Филип Клемен потврди дека го добил големото засилување во летниот преоден рок, напаѓачот на Ливерпул, Такуми Минамино. Иако формално договорот не е потврден Клемен во саботата по пријателскиот меч со Серкл Бриж потврди дека Јапонецот доаѓа во кнежевството, наводно за 15 милиони фунти.

„Го следиме подолго време и тој беше високо на нашата листа. Сите сме сигурно дека ќе ни донесе голем напредок во квалитетот на Монако“, изјави Клемен.

Минамино дојде на „Енфилд“ за 7.2 милиони фунти во јануари 2020 од Ред бул Салцбург, но не успеа да се наметне во првиот тим на Јирген Клоп. Надежите за иднина во Ливерпул станаа уште помали за 27-годишниот Јапонец по трансферите на Луис Дијаз и Дарвин Нуњез. Во две и пол сезони со Ливерпул, тој имаше 53 настапи, од кои само 11 во Премиерлигата минатата сезона.

Манчестер јунајтед и Барселона се блиску до договор за трансферот на Френки де Јонг за 80 милиони евра, ставајќи крај на една од најдолгите „саги“ во летниот преоден рок и дозволувајќи каталонскиот клуб да даде нова понуда за Роберт Левандовски од Баерн Минхен.

Поранешниот фубалер на Ајакс, Де Јонг наводно е клучниот човек во изградбата на нов Јунајтед од страна на менаџерот Ерик Тен Хаг, и според каталонскиот „Спорт“ договорот ќе се потпише до крајот на јуни. Барселона првично бараше 80 милиони евра, и не попушташе по двете официјални понуди од „ѓаволите“.

Во исто време, Барселона ја дала последната понуда за Левандовски, блиску до посакуваните 50 милиони евра од германскиот шампион. Агентот на Левандовски, Пини Захави веќе преговарал со Баерн и Барселона се оптимисти дека заедно со трансферот на Де Јонг, ќе се комплетира и трансферот на полскиот напаѓач. 33-годишниот Левандовски јавно побара трансфер од Баерн, велејќи дека на таа „ера“ и дојде крај.