Ливерпул не успеа да изддржи за четврта последователна победа во Премиер лигата, која ќе го искачеше на на четвртото место, кое води во Лигата на шампиони, каде што е можно воошто да не им биде дозволено учество по пристапувањето кон Суперлигата, откако Лидс постигна гол во 87. минута за 1:1 реми на „Еланд роуд“.

Садио Мане го постигна својот прв гол од февруари во 31. минута, со кој Ливерпул водеа до самиот финиш на мечот, кога во 87. минута, Диего Љоренте израмни на 1:1. Мечот беше во сенка на „бомбата“ со соопштението за формирањето на Суперлигата. Јирген Клоп пред мечот мораше да ги правда своите фудбалери и да повтори дека е против оваа идеја, додека фудбалерите на Лидс пред мечот носеа маички на кои пишуваше „Заслужете ја“ со лого на Лигата на шампионите, а навивачите на Ливерпул потврдија дека ќе ги отстранат банерите од стадионот во знак на револт.

Со овој резултат, Ливерпул остануваат шести со 53 поени, поен зад Челси на петтото место и два поени зад Вест хем на четвртата позиција, додека Лесте се трети со 56. Сепак, Лестер и Челси имаат одиграно по 31 меч (им остануваат уште осум), додека Ливерпул и Вест хем имаат 32 одиграни меча (со уште седум до крајот на сезоната).

Поранешната ѕвезда на Чикаго Булс, Скоти Пипен, во понеделникот потврди дека неговиот првороден син, Антрон починал во неделата на само 33 години. Причината за смртта засега не се открива.

„Срцето ми е скршено што морам да споделам дека вчера се збогував со мојот првороден син АНтрон. Двајцата делевме страст за кошарка и безброј разговори за спортот. Тој страдаше од хронична астма и затоа не стигна до НБА. Тоа никогаш не го спречуваше, секогаш беше позитивен и работеше напорно и горд сум каков човек израсна. Кажете по некоја молитва за неговата мајка Карен и целото негово семејство и пријатели. Нежно срце и прекрасна душа која замина предвреме. Те сакам сине, биди во мир додека не се сретнеме повторно“, напиша Пипен.

Антрон Пипен играше колеџ-кошарка во Тексас А&M Универзитетот.

Јувентус, Интер и Милан инсистираат дека сакаат да продолжат да се натпреваруваат во Серија А и покрај одлуката да се приклучат на Суперлигата. УЕФА ги предупреди клубовите и фудбалерите кои се дел од овие 12 клуба, ќе бидат суспендирани од другите натпреварувања, вклучувајќи ги домашните натпревари, Европското првенство и Светското првенство.

Италијанската Лега Серија А имаше вонреден состанок денеска, а таму присуствуваа и претставници на овие три клуба.

„Клубовите основачи ќе продолжат да се натпреваруваат во домашните натпреварувања и до активирањето на Суперлигата, Јувентус е подготвен да се натпреварува и во европските натпреварувања во кои ќе се квалификува“, се вели во соопштението на Јувентус.