Спорт
Барса и Јунајтед се договорија, Де Јонг го блокира трансферот и си ги бара неисплатените пари
Барселона и Манчестер јунајтед се согласиле за трансферот на Френки де Јонг, за кој англискиот премиерлигаш ќе плати 72 милиони фунти, но договорот во моментов е блокиран од самиот холандски фудбалер околу неговите несогласувања за неисплатените плати во Каталонија, тврдат шпанските медиуми.
Шефовите во Барселона му порачале на Де Јонг дека мора да добие драстично намалување на платата од 5 милиони фунти, или да се согласи на трансфер поради финансиските проблеми, а каталонскиот „Спорт“ додава дека тие му должат над 15 милиони евра во неисплатени плати, што останува како најголем проблем за комплетирањето на трансферот.
Де Јонг, исто така нема желба да замине од Барселона, иако Чави Ернандез донесе повеќе засилувања со кои неговото место во првиот тим веќе не е гарантирано. Доколку не ги решат проблемите со платите, Барселона нема да може да ги регистрира своите нови засилувања, Франк Кеси и Андреас Кристенсен, како и најавениот трансфер на Рафиња од Лидс.
Барса имаа сличен проблем и минатото лето, кога за да ги регистрираат Мемфис Депај, Серхио Агуеро и Ерик Гарсија, мораа да ги скратат платите на своите први ѕвезди. Без да замине Де Јонг, кој е еден од најплатените во тимот, не е јасно како Барселона ќе може да ги регистрира своите засилувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.