Спорт
Барса не може да ги регистрира Меси и новите засилувања
Фудбалскиот клуб Барселона и нејзиниот претседател Џоан Лапорта се наоѓаа пред сериозен предизвик. Поради финансиските проблеми, Барселона, се уште не е во можност да ги регистрира новите играчи (Ерик Гарсија, Мемфис Депај, Серхио Агуеро, Емерсон Ројал), но не може да го регистрира ниту Лионел Меси, доколку тој потпише нов договор.
Барселона има голем долг, кој изнесува 1,17 милијарди евра. Ла Лига не и дозволува на Барселона да ги регистрира новите фудбалери, додека не го реши проблемот со платите, односно буџетот за плати да биде според правилата на лигата.
Според медиумите станува збор за сума од околу 200 милиони евра.
Поради тоа Барселона им дозволи на Миралем Пјаниќ и Самуел Умтити да го напуштат клубот како слободни играчи, а Матеус Фернандес доби отказ. Бразилецот кој лани одигра само 17 минути, поднел тужба против клубот поради начинот на кој му бил врачен отказот.
Пјаниќ и Умтити одбија да заминат од клубот. Умтити сака да остане, тој има годишна плата од 12 милиони евра, додека Пјаниќ би заминал но само доколку Барселона му испати 25 милиони евра, колку што треба да заработи во следните три години, колку што му трае договорот.
Медиумите пишуваат дека доколку во клубот пристигне добра понуда за Антоан Гризман и тој ќе замине, а иста судбина го очекува и долгогодишниот член Серхи Роберто.
Значи, дури кога ќе направи простор во буџетот за плати, Барселона ќе може да регистрира нови фудбалери. Меѓу нив е и Меси, кој бидејќи повеќе не е под договор, доколку ја продолжи соработката ќе треба да биде регистриран како нов играч.
Пред Џоан Лапорта и неговите соработници ги очекува пеколно лето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.