Спорт
Барса по 10 години почнува сезона без Меси

Актуелниот шпански првак, Барселона вечерва во 21 часот во Билбао против Атлетик ја отвора новата сезона во Примера. Каталонците тргнуваат по третата титула во низа.
Сепак тие ќе бидат хендикепирани против Билбао, поради отсуството на Лионел Меси во екипата. Капитенот, најдобриот играч и стрелец на Барса пред 10 дена ја повреди ногата и тренерот Валверде не сака да ризикува додека потполно не се опорави.
За Барселона отсуството на Меси во првото коло од шпанското првенство се случува првпат по 2009 година. Тогаш Меси бараше од тогашниот тренер, Пеп Гвардиола да не игра во првото коло за да може комплетно да закрепне за мечот од квалификациите за СП меѓу Аргентина и Бразил кој на програмата беше по само 5 дена.
Во 2009 соиграчи на Меси во нападот му беа Златан Ибрахимовиќ, Бојан Кркиќ и Педро Родригез. Барса тогаш победи со 3-0 против Спортинг Хихон.
Во последните 10 години, на отворањето на сезоната во Примера, Меси постигнал вкупно 14 гола.
Сепак се чини дека неговото враќање на зелениот терен ќе биде многу брзо.
Меси утре нема да игра во Билбао, но со полна пареа тренира на песок
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Звезда славеше во Милано, ЦСКА по продолжението преку Жалгирис (видео)

Црвена звезда го направи најголемото изненадување во 12. коло од Евролигата, славејќи на гости кај Армани Милано со 77:67, сврзувајќи трета победа едноподруго во најсилното европско кошаркарско натпреварување.
Од почетокот Звезда не дозволи Милано да направи голема предност, пред во второто полувреме да игра многу подобро и да стигне до победа. Лоренцо Браун ги предводеше Звезда со 21 поени и 7 асистенции, додека Барон додаде 17 поени. Чако Родригез беше најефикасен за Армани со 14 поени.
Најинтересно вечерва беше во Москва, каде што актуелниот шампион ЦСКА дури по продолжението со драматична тројка на Мајк Џејмс стигнаа до 85:82 победа над Жалгирис Каунас. Литванскиот клуб имаше пет порази едноподруго пред тешкото гостување во Русија, но започнаа со одлични 17:9 по првата четвртина.
ЦСКА, сепак, се созеде и во третата четвртина имаше предност од +8, пред гостите да израмнат во последните четири секунди на 82:82, пред во продолжението свое шоу да има Џејмс. Тој го заврши мечот со 19 поени, а Стрелникс имаше 20.
ЕВРОЛИГА, 12.КОЛО
ЦСКА Москва – Жалгирис Каунас 85:82 (9:17, 23:14, 19:19, 18:19, 16:13)
Макаби Тел Авив – Баерн Минхен 77:55 (22:18, 19:8, 12:21, 24:8)
Армани Милано – Црвена звезда 67:77 (18:20, 22:19, 10:18, 17:20)
Реал Мадрид – Валенсија 111:99 (30:29, 23:20, 27:21, 31:29)
Спорт
Мизерно деби на Љунгберг на „Емирати“ – Брајтон однесе победа над Арсенал (видео)

Фреди Љунгберг вети дека ќе го врати „духот“ во тимот на Арсенал откако стана привремен тренер на „топчиите“ по отпуштањето на Унаи Емери, но имаше „пеколно“ деби на домашен терен, губејќи со 1:2 од тимот на Брајтон.
Мечот за Љунгберг дојде неколку дена по 2:2 ремито на гости кај Норич, и лошата низа на резултати значи дека Арсенал нема победа во последните шест меча во Премиер лигата и се наоѓа на 10. место на табелата.
Адам Вебстер им донесе водство на гостите во 36. минута, резултат со кој се отиде на полувреме, но Арсенал успеа да израмни преку Александер Лаказет во 50-тата минута за да ги крене надежите на навивачите за победа. Меѓутоа, Нил Мопе во 80-тата минута со убав гол со глава донесе три поени за Брајтон, кои сега се на 13. место на табелата со само еден поен зад Арсенал.
Спорт
По фијаското во дербито, Евертон го отпуштија Силва, се подготвува кам-бек на Мојс

Евертон го отпуштија менаџерот Марко Силва по само 18 месеци на чело на клубот од „Гудисон парк“ по катастрофалниот старт на сезоната во Премиер лигата по кој „карамелите“ паднаа во зоната за испаѓање по болниот 5:2 пораз во градското дерби од Ливерпул.
Поранешниот напаѓач на Евертон, и тренер на првиот тим, Данкан Фергусон ќе биде привремен тренер за дуелот со Челси во сабота. Сите англиски медиуми тврдат дека поранешниот тренер Дејвид Мојс ќе се врати на чело на клубот, шест и пол години откако си замина за да стане краткотрајно тренер на Манчестер јунајтед.
„Главниот акционер Фархад Мошири, претседателот Бил Кенрајт и бордот на директори сакаат да му се заблагодарат на Марко Силва за неговите услуги и да му посакаат среќа за во иднина. Данкан Фергусон ќе биде именуван за тренер за дуелот со Челси, а клубот сака да постави нов постојан менаџер што е можно побргу“, се вели во соопштението на клубот.
Евертон во последните години инвестираше многу во фудбалери, носејќи ги Алекс Ивоби, Моисе Кин, Жан-Филип Гбамин и Андре Гомеш во својот тим во обид да се обезбедува попостојан престој во Европа. Силва лани ги предводеше до осмото место на табелата, но оваа сезона, тие имаат само четири победи и дури осум порази во последните 11 меча.
🔵 | Everton Football Club can confirm that manager Marco Silva has left the Club. #EFC pic.twitter.com/R2JqAMBdu2
— Everton (@Everton) December 5, 2019
- Топ3 месеци
Газда полеан со бензин, а неговиот џип запален во Кисела Вода
- Забава3 месеци
Дошла на преглед поради постојан замор, а докторите ѝ рекле дека ќе умре за 72 часа
- Култура3 месеци
„Болка и слава“ на Алмодовар го отвора фестивалот „Браќа Манаки“, кинематограферот Алкаине гостин во Битола
- Книги1 месец
Промоција на „Небо во кафез“ од Д.А. Лори
- Црна хроника2 месеци
Се урна тераса во Скопје – повредени татко и неговите три малолетни деца
- Hitech3 месеци
(Видео) Возач и совозач во „тесла“ спијат додека автомобилот вози со 100 на час
- Црна хроника3 месеци
Деветнаесетгодишник со автомобил удрил во девојче во Кавадарци
- Култура4 недели
Десет најчести прашања и одговори за програмата „Креативна Европа медиа“ на „Синедејс“