Спорт
Барса синоќа го „сними“ Де Лихт, вечера го следи Јовиќ
Матијас Де Лихт и Лука Јовиќ се означени како играчи чии трансфери ќе бидат приоритет на Барселона, во летниот преоден рок, објави „Мундо Депортиво“.
Според овој извор, претседателот Џозеп Марија Бартомеу и спортскиот директор Оскар Грау, синоќа во Амстердам го гледале натпреварот Холандија-Германија, а вечерва спортскиот директор Ерик Абидал и техничкиот секретар Рамон Планес, во Лисабон, ќе го следат дуелот помеѓу Португалија и Србија.
Де Лихт има 19 години, капитен е на Ајакс и е стандарден во репрезентацијата. Синоќа го постигна и деби голот во националниот тим. Наводно Барселона биле подготвени да платат 60 милиони евра за неговите услуги.
Конкуренти на Каталонците, во борбата за потписот на Де Лихт, ќе им бидат ПСЖ, Реал Мадрид и Јувентус.
Лука Јовиќ има 21 година, тој е позајмен во Анјтрахт Франкфурт од Бенфика, но јасно е дека Германците по завршувањето на сезоната ќе го откупат неговиот договор, а потоа ќе го продадат за многу поголема сума.
Покрај Барселона, за услугите на српскиот репрезентативец, постои интерес кај ПСЖ, Ливерпул и Баерн Минхен.
❗️ Ofensiva del Barça por De Ligt y Jovichttps://t.co/yfyy1o6ao9 por @gbsans pic.twitter.com/SBKz2rWoZE
— Mundo Deportivo (@mundodeportivo) March 25, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.