Менаџерот на Челси, Томас Тухел, го потврдил интересот на клубот за напаѓачот на Борусија Дортмунд, Ерлинг Халанд. „Сините“ сакаат да го засилат нападот со Халанд и покрај тоа што минатото лето се засилија со Ромалу Лукаку.

„Разговаравме неколку пати за Ерлинг. Бевме заинтересирани и минатото лето. Да бидеме реални во тоа време неговиот трансфер во Челси делуваше нереален“, истакнал Тухел.

„Халанд е фантастичен фудбалер, тој е важна личност во Борусија тим кој е сериозен конкурент во Лигата на шампионите. Можам ли да ги замислам заедно Халанд и Лукаку? Зошто да не, можеме да разговараме на таа тема. Да видиме дали нешто ќе се случи во наредните недели“.

Ерлинг Халанд, сезонава одиграл 10 натпревари за Борусија, постигнал 13 голови.

Стив Брус, спогодбено се раздели со Њукасл јунајтед и најави заминување во пензија. Менаџерот кој го предводеше Њукасл јунајтед од јули 2019 година, разделбата со клубот ја наплати со 10.000.000 евра.

Брус, во неделата, го одработи 1.000 натпревар во кариерата. Њукасл јунајтед загубија од Тотенхем со 3:2. Овој пораз не беше пресуден 60-годишникот да добие отказ. Новите сопственици, по преземањето на клубот, најавија дека ќе бараат нов тренер.

„Мислев дека се можам да истрпам, но беше неиздржливо. Не ме сакаа, ми говореа дека нема да успеам, дека тактички сум неспособен…Од првиот ден беше така“, рекол Брус и продолжил.

„Мислам дека ова ми беше последната работа во кариерата. Не е до мене, ова е напор за което семејство. Од првиот ден во Њукасл мо беше многу, многу тешко. Кога резултатите беа добри говореа дека стилот што го негуваме е ужасен или дека сме имале среќа. Не бев добар дури и кога работите за клубот беа добри“.

Стив Брус ги предводеше Њукасл јунајтед на 97 натпревари, во нив освоил во просек 1,15 бодови.

Манчестер сити, синоќа, го прегази Клуб Бриж со 5.1 во Лигата на шампионите. По натпреварот, хулиганите на белгискиот шампион предизвикале тежок инцидент. Еден навивач завршил во болница, каде лекарите се борат за неговиот живот.

Хулиганите го претепале 63-годишниот Гвидо, кој не член на белгискиот огранок на навивачката група на Манчестер сити, „Blue Moon Belgium“.

Членовите на оваа навивачка група се собираат и заедно ги следат натпреварите на Манчестер сити. Синоќешниот натпревар го следеле од трибините на стадионот во Бриж.

Синот на Гвидо, за белгиските медиуми, раскажал дека неговиот татко бил нападнат на паркингот. Еден навивач му го одземал шалот, а кога тој побарал да му го врати, напаѓачот започнал да го дави. Веднаш му се приклучиле и други хулигани кои започнале да го удираат несреќниот човек по главата. Откако тој паднал на асфалтот тие си заминал.
Гвидо бил префрлен во болница каде лекарите се боратз а неговиот живот.