Спорт
Барти е кралица на Вимблдон – поуспешна беше во „финалето на брејкови“
Првопласираната тенисерка на ВТА листата, Ешли Барти е победничка на овогодинешното издание на тенискиот грен слем турнир – Вимблдон.
Предмалку Барти во Лондон ја победи 13-тата светска тенисерка во моментов, Каролина Плишкова со 2-1 (по сетови 6-3 6-7 и 6-3) со што дојде до втората грен слем титула во кариерата. Куриозитет е тоа што Ешли Барти веќе долго време е прва на ВТА листата, а во кариерата до денеска имаше само една грен слем титула, од РГ во 2019 година.
Првиот сет од женското финале донесе возбудлив тенис со дури 5 брејка во осумте гема. Лесно и брзо австралиската тенисерка со два воведни брејка дојде до предност од 4-0, по што следуваше консолидација на чешката противничка за 5-3. Сепак Барти ја задржа концентрацијата и го доби првиот сет со резултат 6-3.
Слична игра и во вториот период, но сега бројот на одземени сервиси на противникот беа помалку, само 2. До 5-5 во вториот сет двете тенисерки по еднаш успеаја да стигнат до брејк.
Тука повторно имаше возбудување. Барти освои поен на сервис на Плишкова и поведе со 6-5. Кога се очекуваше дека на свој сервис Австралијката ќе биде сигурна, чешката тенисерка го возврати брејкот и мечот отиде во тај – брејк.
Таму Плишкова беше поконцентрирана и со 7-4 го освои овој сегмент од мечот, па израмни на 1-1 во сетови.
Третиот сет помина во комплетна доминација на фаворитката. Барти уште во вториот гем направи брејк, кој потоа со стрплива и сконцентрирана игра го претвори во победа и нова грен слем титула – прва за неа на Вимблдон.
На последните 17 грен слем тениски турнири славеа дури 13 различни тенисерки што јасно покажува дека во женскиот тенис нема голема супер ѕвезда во моментов, по престанокот на доминацијата на Серена Вилијамс.
Таа последен пат триумфираше на Австралија опен во 2017 година, а оттогаш до пехарот доаѓаа Остапенко, Мугуруза, Стивенс, Вознијацки, Халеп, Кербер, Осака, Барти, Андреску, Кенин, Швјонтек и Крејчикова на Ролан Гарос минатиот месец. Сега Барти ја прекина таа низа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.