Спорт
Баварската машина не признава милијарди – Баерн со шеста европска ѕвездичка
Баерн Минхен го совлада Пари Сен-Жермен во необичното финале на Лигата на шампионите 2019/20, оддржано без публика во Лисабон, за да ја забележи својата шеста европска титула и прва по 2013 година, и во исто време да покаже дека милијардите потрошени од катарските газди на ПСЖ не значат многу во големите мечеви.
Во интересен меч на „Луж“ во Лисабон, недостасуваа само повеќе голови, но Баварците беа доволно концентрирани да стигнат до победнички гол во второто полувреме, иронично, дело на поранешен фудбалер на ривалите, Кингсли Коман по совршената топка од Џошуа Кимих. Ѕвездите на ПСЖ како Нејмар и Килијан Мбапе беа опасни пред голот на Мануел Ноер, но на крајот ќе мора да се задоволат само со својот прв настап во големото европско финале по три елиминации во четврт-финалето.
Баерн и пред фајнал ејт турнирот во Португалија беше сметан за еден од фаворитите за титулата, но по неверојатната и незаборавна 8:2 победа над Барселона, многумина сфатија колку е опасна „машината“ на Ханси Флик, тренер кој беше донесен да ја „среди мешаницата“ која ја остави Нико Ковач во тимот, и на крајот ја завршува сезоната со троен триумф – Бундеслига, ДФБ купот и Лигата на шампионите.
Без некои големи ѕвезди во тимот, ако не го сметаме полскиот ас Роберт Левандовски, Флик успеа да направи неверојатна низа – тимот не е поразен во последните 30 мечеви и тој има вкупно 33 победи во 35 меча, со едно реми и 2 порази. Во овие мечеви Баерн има просек од неверојатни 3.3 голови по меч (вкупно 116 гола) и само 26 примени голови (0.7 по натпревар). Во ЛШ, Баерн има 11 победи во 11 меча и 43:8 гол-разлика!
Од другата страна, ПСЖ мораат да бидат охрабрени од својот делумен успех во Лигата на шампионите, стигнувајќи каде што досега не биле, иако сега повторно ќе почнат да се вртат шпекулации околу тоа кој ќе замине од „Паркот на принцовите“ и дали се потребни и нови фудбалери за остварување на крајната цел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дали Премиер лигата е најсилна во светот на фудбалот?
Сезоната 2023/2024 во европските купови стана вистински кошмар за клубовите од најсилната лига во светот, англиската Премиер лига.
Во завршницата, Премиер лигата има само еден тим. Честа на англиското фудбал ја брани Астон Вила и тоа во третото според ранг европско натпреварување, Конференциската лига.
Англија нема претставник во Лигата на шампионите, откако Манчестер сити и Арсенал беа елиминирани во средата, во четвртфиналето, а претходно Манчестер јунајтед и Њукасл испаднаа во фазата по групи.
Во елитното натпреварување Премиер лигата доживеа вистински дебакл, бидејќи англиските тимови освоија три титули во последните пет сезони.
Синоќа, во четвртфиналето сезоната во Лига Евопа ја завршија Ливерпул и Вест Хем. Во
За прв пат по девет години ниту, Англија нема полуфиналист во двете најсилни европски натпреварувања.
Честа на англискиот фудбал остана да ја брани Астон Вила. Клубот од Бирмингем во полуфиналето ќе игра против Олимпијакос.
Спорт
Дождот направи хаос, Норис пред Хамилтон и Алонсо на пол-позицијата за спринт-трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.
Спорт
„Им посакувам сѐ најдобро на моите браќа на Олимпијадата, јас не сум доволно добар“
Кошаркарот на Далас Кајри Ирвинг не се најде на списокот на репрезентацијата на САД за претстојните Олимписки игри во Париз.
Плејмејкерот на Маверикс изјави дека не е изненаден што не е меѓу 12-те избрани за олимпискиот турнир.
Ирвинг, освои злато со тимот на САД на Олимпијадата во 2016 година во Рио де Жанеиро.
„Им посакувам се најдобро на моите браќа. Едноставно не бев доволно добар за овој тим“, рече Ирвинг.
„Процесот на изборот беше тежок. Но, повторно, немам ништо друго освен почит кон овие момци. Во овој момент од мојата кариера, мислам дека мојот фокус треба да биде на освојување на шампионатот“, додаде бекот на Далас.
Тимот на Стив Кер во Париз го сочинуваат Леброн Џејмс, Девин Букер, Џејсон Тејтум, Кави Ленард, Џоел Ембид, Тајрис Халибартон, Џру Холидеј, Бем Адебајо, Стеф Кари, Ентони Дејвис, Ентони Едвардс и Кевин Дурент.