Спорт
Белгиската полиција влезе во Андерлехт и во националната федерација!
Белгиската полиција направи рација во канцеларијата на фудбалскиот клуб Андерлехт и на националната фудбалска асоцијација во средата истражувајќи перење на пари во операција во која се вклучени агенти и трансфери на фудбалери.
Портпаролот на клубот од Брисел објави дека тие целосно соработуваат со истрагата, додека од Белгиската федерација објавија дека од нивното седиште биле одземени документи за трансфери на фудбалери.
Според локалната телевизија „ВРТ“ главната цел на истрагата се трансферите направени пред 2017 година, кога клубот од Брисел се продаде. Помеѓу трансферите кои се истражуваат е тој на српскиот напаѓач Александар Митровиќ во Њукасл во 2015 година.
Белгиските обвинители објавија дека овој случај не е поврзан со „Фудбалгејт“, истрагата за местење мечеви и измами кои минатата година го „тресеа“ белгискиот фудбал.
Андерлехт, кој последен пат беше шампион во 2017 година и е историски најуспешниот белгиски клуб, е во катастрофална форма по што навивачите минатиот месец се бунтуваа и предизвикаа откажување на дербито со Стандард Лиеж, по што го отпуштија тренерот Фред Рутен по само 13 меча. На клубот, кој двапати ја освојуваше титулата од Купот на куп победници на УЕФА и еднаш УЕФА купот, му се заканува првпат да не се квалификуваат за европските натпреварувања по 55 години.
Police raid at Anderlecht offices and Belgian FA today in money-laundering investigation (around agents).
Apparently one of the investigated transfers: Aleksandar Mitrovic from Anderlecht to Newcastle in 2015.https://t.co/D00skTGVWt#nufc #rsca #ffc
— Kristof Terreur ?? (@HLNinEngeland) April 24, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.