Давид де Хеа и неговата девојка, шпанската поп-дива Едурне Гарсија, во четвртокот добија принова, нивната прва ќеричка Јанај, по што голманот доби порака од Манчестер јунајтед да не брза со слободното време кое му го даде клубот.

Де Хеа во четвртокот итно се врати во својата татковина за да биде покрај својата сопруга, што значи дека нема да брани во клучното дерби со Манчестер сити во недела, и менаџерот Оле Гунар Солскјер му порача на 30-годошниот Шпанец да остане на „пауза“ до интернационалната пауза.

„Фантастичен ден за Давид. Кога ќе станеш татко… Па, можеби тоа е најдоброто можно чувство кое го имаш. Тие кои имале среќа да го почувствуваат тоа знаат низ што поминува Давид. Му дадов време да се врати назад. Со пандемијата, ситуацијата е поинаква и не може да се врати бргу, но сакавме да му дадеме шанса да биде со најблиските. Дин Хендерсон е подготвен и затоа ќе има доволно време за одмор“, изјави Солскјер.

23-годишниот Хендерсон го сочува голот во ремито со Кристал палас во средата и ќе остане на голот за дербито на Манчестер, дуелот со Вест хем, двата меча од Лига Европа со Милан, и четврт-финалето од ФА купот со Лестер на 21 март.

Фудбалерот на Фенербахче, Месут Озил, вчера на носилки го напушти теренот, на натпреварот против Анталија (1:1). Неговиот клуб, во петокот, објави колкава пауза го очекува 32-годишниот фудбалер.

Деталните медицински прегледи покажале дека Озил ги истегнал лигаментите во коленото, тој на рехабилитација ќе биде од четири до шест недели.

Озил, во јануари, по речиси седум години го напушти Арсенал и се пресели во редовите на великанот од Истанбул. Досега има одиграно седум натпревари, не успеал да постигне гол, ниту да забележи асистенција.

Светскиот првак со Германија во 2014 година, во кариерата игра за Шалке, Вердер и Реал Мадрид.

Џамал Мусиала, вундеркиндот на Баерн Минхен, го потпиша првиот професионален договор со актуелниот европски првак.

Мусиала и Баерн договориле соработка до јуни 2026 година.

Џамал Мусиала, на 17-годишна возраст од академијата на Челси пристигнал во Минхен. За првиот тим на Баерн има одиграно 27 натпревари, постигнал четири гола. Тој е најмладиот стрелец во Лигата на шампионите, во историјата на Баерн.

Фудбалерот е роден во Германија, кога имал седум години неговите родители се преселиле во Англија. Во ноември минатата година, Мусиала, одигра два натпревари за младата репрезентација на Англија. Сепак, негова желба е да игра за сениорскиот тим на Германија.

♦ #Musiala2026 ♦#MiaSanMia @JamalMusiala pic.twitter.com/76kE7BwibA

— 🏆🏆🏆FC Bayern English🏆🏆🏆 (@FCBayernEN) March 5, 2021