Само три натпревари се одиграа изминатата ноќ во НБА лигата, победи забележаа Јута, Атланта и Вашингтон.

Атланта Хокс ставија крај на серијата од седум победи во која се наоѓаа играчите на ЛА Клиперс. Хокс, предводени од Тре Јанг (38 поени), забележаа победа 108:99. Кај Хокс се истакна и екс-играчот на Хјустон, Клинт Капела со 13 поени и 18 скокови.

Клиперс, поради корона-протоколите, беа без двајцата најдобри играчи, Каваи Ленард и Пол Џорџ. Во нивно отсуство се истакна Реџи Џексон со 20 поени.

Јута, без придонесот на своите најдобри играчи, победи во Њујорк 108:94. Бојан Богдановиќ постигна 11 поени, погоди само два пати од поле, а Донован Мичел уфрли девет поени. Ројс О’Нил постигна 20 поени, а Руди Гобер забележа 18 поени и 19 скокови.

Остин Риверс се истакна кај Њујорк со 25 поени.

Убедлив триумф забележаа и кошаркарите на Хјустон. „Ракетите“ славеа во Вашингтон со 107:88. Поранешниот играч на Вашингтон, Џон Вол, го предводеше Хјустон со 24 поени, по 19 постигнаа Виктор Оладипо и Демаркус Казинс кој имаше и 11 скокови.

Најефикасен на мечот беше бекот на Вашингтон Бредли Бил со 33 поени.



Вербалниот дуел, кој лесно можеше да прерасне во физичка пресметка, помеѓу Златан Ибрахимовиќ и Ромелу Лукаку, го обележа градското дерби, кое го одиграа Милан и Интер во Купот на Италија.

Капитенот на Милан, Ромањоли, направи фаул врз Лукаку, по што започна вербалната расправија помеѓу Белгиецот и шведскиот ветеран. Лукаку нешто му дофрли на Ибрахимовиќ, кој се обиде со глава да го удри противникот.

Судијата Валери на двајцата им покажа по жолт картон, но и покрај тоа тие ја продолжија расправијата.

Сите што го следеа дуелот, може да разберат какви навреди си поделија.

Ибрахимовиќ: „Магаре, јави и се на мајката ти и правете ги оние ваши вуду глупости“.

Лукаку: „Да ве е..м и тебе и твојата жена. Сакаш малку и за твојата мајка, таа е курва“.

До крајот на мечот Ибрахимовиќ доби уште еден жолт картон, мораше да го напушти теренот, а Интер со играч повеќе на теренот успеа да направи пресврт и да победи со 2:1.

Un po' di nervosismo in campo… #InterMilan pic.twitter.com/ixDePiMcCl

— Johnny il gobbo (@JontripJohn) January 26, 2021

Тренерот на Виљареал, Унаи Емери, купил фудбалски клуб. Во сопственост на Емери е еден од култните шпански клубови Реал Унион, кој од 1932 године се нема натпреварувано во Првата шпанска лига.

Реал Унион оваа сезона се натпреварува во Сегунда Б, третиот ранг на шпанскиот фудбал. Овој клуб е од градот Ирун во покраината Баскија.

За овој клуб во минатото голмани биле дедото и таткото на Емери.

Унаи Емери во кариерата бил тренер на Алмерија, Валенсија, Севилја, ПСЖ и Арсенал.