Спорт
Ботас се разведе, Хамилтон признава: Во Ф1 нема време за љубов и семејство

Возачот на Мерцедес, Валтери Ботас, објави дека се разведува со сопругата Емилија по три години брак, велејќи дека „предизвиците во кариерата донесоа до ваква состојба“, нешто што го потврди и неговиот колега од тимот, светскиот шампион, Луис Хамилтон кој додаде дека Ф1 ја „убива“ љубовта.
30-годишниот Ботас објави долго соопштение на Твитер, но инсистираше дека ќе остане пријател со поранешната олимписка пливачка.
„За жал, морам да ви соопштам дека бракот со Емилија дојде до крај. Се разделуваме поради различните предизвици кои ги носи мојата кариера и мислиме дека тоа е добар потег за двајцата и нашите животи и се разделуваме како пријатели“, пишува Ботас.
Unfortunately I have to share you the news that the marriage between Emilia and myself has come to an end: pic.twitter.com/EyaRI6Fp73
— Valtteri Bottas (@ValtteriBottas) November 28, 2019
Ботас и Емилија беа заедно од 2000, а се земаа во септември 2016 во Хелсинки.
Неговиот колега Хамилтон вели дека целосно го сфаќа Ботас и дека за него е дури тешко да ги чува своите миленичиња. Хамилтон беше седум години во врска со американската пејачка Никол Шерцингер, пред да се разделат во 2015 година.
Додека Себастијан Фетел се пофали со своето трето дете, Хамилтон признава дека за него ситуацијата е потешка.
„Во моментов, нема деца во моите планови. Честитки до Себ, тој е очигледно добар татко. Јас едвај ги држам моите кучиња живи и бидејќи сум чичко, знам како е да си со деца. Така е за речиси сите спортисти. Можеби е потешко за нас бидејќи многу патуваме. Има некои кои успеваат, видете го Себ, но за мене тоа е многу тешко“, вели Хамилтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Продава слики од Михаел Шумахер за 1.000.000 евра

Голем скандал ја потресе Италија. Наводно, највлијателните медиуми во таа земја имаат можност на неименуван извор да му платат еден милион евра за да добијат фотографии на кои се гледа моменталната состојба на Михаел Шумахер. Легендарниот германски возач моментално е во тешка состојба откако доживеа несреќа на скијање во 2013 година и оттогаш многу малку се знае за неговата здравствена состојба.
Неименувано лице, блиско до семејството Шумахер 1 реши да ја искористи несреќата на славниот Шумахер и да заработи речиси една деценија по трагедијата.
Како што пренесува италијанскиот весник „Република“, лицето кое го фотографирало и снимило Михаел Шумахер им понудило на најпознатите медиуми од таа земја да ги купат фотографиите за милион евра, а потоа да му откријат на целиот свет како девет години по несреќата изгледа седумкратниот светски шампион.
Според информациите кои се појавија, семејството знае за постоењето на овие фотографии, но се уште не сака на јавноста да и го открие идентитетот на лицето.
Од друга страна, италијанските медиуми наведуваат дека моментално ниту еден весник во таа земја не сака да ги купи и објави споменатите фотографии.
Спорт
„Судиите со години го фаворизираат Реал, знаат што ги чека ако не биде така“

Фудбалерите на Реал Мадрид, во четвртокот, со пресврт и по 120 минути фудбал го победија Атлетико и се пласираа во полуфиналето на Купот на кралот. Дел од шпанската јавност смета дека мечот го обележа судијата Цезар Сото Градо.
При резултат 0:1 и водство на Атлетико, во 71. минута Дани Себаљос направи прекршок на 18 метри, веќе имаше жолт картон но судијата не ги примени правилата и не му го покажа вториот жолт картон.
Извршниот директор на Атлетик Хил Марин имаше што да каже по овој натпревар и додаде дека ваков систем веќе подолго време го уништува шпанскиот фудбал.
„Жолтиот картон за Себаљос беше очигледен, по сите правила, чист како солза. Но, при наше водство од 0:1, во 71. минута, во борбата за полуфинале, да го оставиш Реал на неговиот стадион со играч помалку е голема работа. Исклучително ги почитувам судиите и сигурен сум дека нивните намери се секогаш најдобри, но секој што ја гледа ситуацијата однадвор може да види дека истите работи се случуваат со децении. За жал, никој не е изненаден. Медиумите во деновите пред дербито пишуваа дека судиите мораат да заштитат некои играчи. Искрено, не забележав дека некој ги заштити Гризман и Мората кои буквално беа шутирани од противниците. Но таков е системот. Боите на дресовите на теренот и на трибините не смеат да влијаат на одлуките на судиите. Нашите играчи ги почувствуваа последиците од тој притисок“, изјави Хил Марин.
Тој сепак призна дека Атлетико е виновен за лошите резултати, но дека тоа не ги менува фактите за лошиот систем.
„Ние сме целосно одговорни за нашите резултати оваа сезона, не ја поминавме групната фаза во Лигата на шампионите и заостанавме седум бода зад третопласираниот тим во Ла Лига. Од нас зависи што ќе правиме во преостанатите 20 натпревари. Без оправдување, но загрижен сум и за тоа како функционира системот, а тој секогаш фаворизира еден клуб“, потенцира Хил Марин.
Спорт
Снајдер: Тадиќ мора да „лета“ од Ајакс

Весли Снејдер уште еднаш најде начин и причина да го критикува капитенот на Ајакс Душан Тадиќ. На Ајакс не му оди најдобро по заминувањето на Ерик тен Хаг, како сега стојат работите најтрофејниот холандски клуб наредната сезона нема да игра во Лигата на шампионите.
Ајакс немаат победа на последните седум натпревари во првенството на Холандија. Весли Снајдер има рецепт како Ајакс може да се врати на победничките патеки. Овој пат не му пречи само Тадиќ.
Во септември, Снајдер зборуваше за тоа како Тадиќ не е во форма и дека треба да биде резерва, а не стартер, а еден месец подоцна тврдеше дека Тадиќ и неговиот менаџер (Милош Миленковиќ, кој е менаџер и на сега поранешниот тренер Алфред Шројдер) имаат премногу влијание во Ајакс и влијаат на составот на тимот.
Гостувајќи во емисијата „Вероника офсајд“, Снајдер вели:
„Тадиќ мора да биде отстранет од тимот. Тоа е под број еден. Друга работа е Беси, треба да го избркаат од клубот, да се врати од каде што дојде“.
Снајдер смета дека дресот на Ајакс не го заслужуваат Алварез и Санчез.
„Не сум фан на Алварез. И јас кажав нешто за Санчез минатата недела. На социјалните мрежи, моето сандаче е преполно со Мексиканци кои не ги поддржуваат моите коментари. Не знам дали се емитуваат натпревари на Ајакс во таа земја, но претпоставувам дека можат да гледаат и да видат дека и двајцата играчи се катастрофа“.
Кога неодамна се појавија информации дека Челзи размислува за понуда од 50 милиони евра за Едсон Алварез, Снајдер коментираше:
„Тој не вреди толку. Ако Челзи ја понуди таа сума, веднаш би го спакувал Едсон во авион. За тие пари може да се доведат двајца подобри играчи“.