Спорт
Ботас со доминација во Австралија, ниту подиум за Ферари!
Валтери Ботас доминираше на првата трка од новата Ф1 сезона, откако во Мелбурн го помина својот колега од Мерцедес, светскиот шампион Луис Хамилтон на стартот за прва победа од 2017 година, додека најавите за силен Ферари не се остварија, откако тимот воопшто не беше на подиумот.
Хамилтон ја имаше пол-позицијата во Австралија, но ја загуби предноста веднаш по спориот старт, но успеа да го изддржи притисокот од Себастијан Фетел во Ферари и Макс Ферстапен во Ред бул за да ја комплетира 1-2 победата, додека Ферстапен го донесе првиот подиум за болид со мотор на Хонда од Британското ГП на почетокот на соработката со Ред бул.
Откако го помина Хамилтон на првата кривина, Ботас немаше проблеми до крајот на трката, а му помогна и тоа што Мерцедес реагираа на раното влегување во боксот на Фетел и го поставија Хамилтон на послаба стратегија. Фетел влезе во 14-тиот круг од 58, а Хамилтон еден круг подоцна. Ова дозволо Ботас, Ферстапен и вториот возач на Ферари, Шарл Леклер да останат уште неколку круга на меки гуми со што направија предност.
„Не знам што се случи денеска. Стартот беше навистина добар, а ова беше мојата најдобра трка во кариерата. Ја имав под контрола ситуацијата и морам да ја прославам оваа победа. Едвај ја чекам следната трка“, изјави Ботас по триумфот кој никој не го очекуваше.
Ферстапен во средината на трката (31 круг) успеа да го помине Фетел, по што тргна во „лов“ на возачите на Мерцедес, останувајќи 1.5 секунди зад Хамилтон додека не направи грешка и излезе на тревата.
Ботас го освои и првиот екстра поен во новата ера со најбрзиот круг во претпоследниот круг од трката, за да освои 26 поени од Мелбурн. Најавите за силен Ферари не се остварија, откако Фетел едвај го заддржа четвртото место пред Леклер.
Кевин Магнусен го освои шестото место за Хас пред Нико Хилкеберг во Рено, додека Кими Раиконен беше седми во дебито за Алфа Ромео, пред Ленс Строл, кој исто така дебитираше за новиот тим Рејсинг поинт (поранешните Форс Индија). Повратникот Данил Квјат го освои последниот поен со 10. место пред вториот возач на Ред бул, Пјер Гасли.
Лендо Норис по одличните квалификации успеа да стигне само до 12. место за Мекларен, додека неговиот колега Карлос Саинс Јуниор не ја заврши трката, како и домашниот миленик, Даниел Рикардо во својата прва трка за Рено.
Фото: ЕПА
Your full race classification from the season-opener ?
Best-ever finish for Leclerc, solid points for Magnussen & Stroll ?
Kvyat holds off Gasly for the final point ?#AusGP ?? #F1 pic.twitter.com/pVSiCkUhhw
— Formula 1 (@F1) March 17, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Цолакис одбрани три пенали – Олимпијакос го елиминира Фенербахче
Познати се сите полуфиналисти во Конференциската лига. На Фиорентина, Астон Вила и Клуб Бриж им се приклучи Олимпијакос. Грците, по голема драма, успеаја да го минат Фенербахче по избедувањето пенали и за прв пат во својата историја да се пласираа во полуфинале во натпреварување одрганизирано од УЕФА.
Олимпијакос допатува на ревашот во Истанбул, против Фенербахче со предност од 3:2. Таа предност Фенер ја анулираше по само 11 минути игра, кога Кавечи погоди за 1:0.
Сепак до крајот на натпреварот немаше голови.
На крајот пенал серијата донсе невидена драма, од која како херој излезе голманот на Олимпијакос Цолакиз.
Цолакис ги одбрани ударите на Тадиќ, Ченгиз Ундер и Бонучи. Ел Араби не реализираше за Олимпијакос, исто како и Родинеи во последната серија, неговата топка по одбраната на Ливаковиќ удри во гредата и падна на гол линијата.
Олимпијакос во полуфиналето ќе игра против Астон Вила.
Спорт
(Видео) Милан и со играч плус немоќен во Рим, Баер ја продолжи серијата без пораз, Ливерпул елиминиран
Италија има два клуба во полуфиналето на Лига Европа. Пласманите на Рома и Аталанта меѓу најдобрите четири екипи во ова натпреварување и донесоа на Италија уште едно место во Лигата на шампионите наредната сезона.
Рома и во реваншот го победи Милан (2:1) и покрај тоа што повеќе од 60 минути играше со фудбалер помалку. Вкупниот резултата во овој двомеч е 3:1 за „волчицата“.
Аталанта загуби на домашен терен од Ливерпул (0:1), но победникот во двомечот го реши триумфот на Аталната во Ливерпул, пред една недела (3:0).
Во полуфиналето е и германскиот шампион Баер Леверкузен. „Фармацевтите“, во 89.минута избегнаа пораз во Лондон од Вест Хем (1:1). Баер ја продолжи неверојатната серија, тимот на Чаби Алонсо нема пораз оваа сезона.
Милан практично беше нокаутиран во Рим по 20-ина минути. Рома поведе со 2:0 со головите на Манчини во 12. минута и Дибала во 22. минута и дојде до вкупни 3:0. Малку надеж Милан доби во 31.минута кога Зеки Челик доби црвен картон.
Сепак и со играч плус на теренот, Милан не успеа сериозно да се закани. Во вториот дел Рома имаше две големи шанси преку Спенацола и Ејбрахам. Се што направи Милан на овој меч е голот на Габија во 85.минута.
Ливерпул и покрај сериозната негатива од првиот меч, се обиде да направи чудо во Бергамо. на крајот не успеа и покрај тоа што со голот на Салах во 10.минута од пенали дојде до предност.
Египќанецот имаше уште една одлична шанса во првото полувреме, но неговиот обид за лоб помина покрај голот. Во продолжение Ливерпул не успеа да постигне уште еден гол, а не создаде ниту голема шанса. На крајот, сепак, Аталанта немаше многу проблеми да ја одбрани големата предност од првиот меч.
Баер во Лондон дојде во одлично расположение. Обезбедена првата титула во клупската историја, без претрпен пораз во сите натпреварувања во сезоната и предност од 2:0 од првиот натпревар.
Но во 14. минута Вест Хем ја преполови таа предност преку Антонио. Но, за жал, на Вест Хем, тоа беше се што успеа да направи премиерлигашот. „Чеканите“ не успеаја да му го нанесат првиот пораз на Баер во сезоната, бидејќи Фримпонг постигна гол за 1:1 во 89. минута.
Спорт
(Видео) Мартинез ја однесе Вила во полуфиналето, Фиорентина во продолженијата ја „скрши“ Викторија
Астон Вила и Фиорентина изборија пласман во полуфиналето на Конференциската лига. Фиорентина во продолженијата ја елиминира Викторија Плзен, а Астон Вила го доби пенал-рулетот, во Франција против Лил, благодарение на голманот Емилијано Мартинез.
Фиорентина заслужено влезе во полуфиналето. Чудо е како „виолетовите“ не успеаја да го решат прашањето околу кончениот победник во регуларните 90 минути.
Неколку пати фудбалерите на Фиорентина ја погодија стативата, а од 66.минута имаа и фудбалер повеќе на теренот.
Нико Гонзалес (92) и капитенот Кристијано Бираги (108) ги постигнаа головите, во победата 2:0, во продолженијата.
Фиорентина во полуфиналето ќе игра против подобриот од натпреварот Фенербахче – Олимпијакос.
Астон Вила „спаси“ глава во Лил. Најпрвин со голот на Кеш во 87.минута тимот на Унаи Емери се избори за дополнителни 30 минути фудбал, а потоа го искористи своето најсилно оружје во пенал-драмата, голманот Мартинез.
За Лил стрелци во регуларниот дел од натпреварот беа Јазичи во 15. и Андре во 67.минута.
Мартинез го одбрани пеналот на Бенталеб во првата серија, а во четвртата неговиот колега Шевалие го запре обидот на Бејли. Реши последниот пенал, Мартинез го прочита капитенот на Лил Андер и ја однесе Вила во полуфиналето.
Emi Martinez saves the pen then dances. He is so unserious man.. 😭😭
— Conn (@ConnCFC) April 18, 2024