Спорт
Брегзит му ја уништи шансата на Вилшир да заигра во Серија Б
Поранешниот талент на Арсенал, Џек Вилшир, кој неодамна драматично призна дека му се плаче од тоа што не може да најде клуб, вели дека завршил со англискиот фудбал, откако почна да тренира со италијанскиот второлигаш Комо, но не може да склучи договор поради Брегзит.
29-годишниот фудбалер од средниот ред е слободен агент по крајот на шестмесечниот договор со Бурнемаут и бидејќи немаше понуди, ја прифати понудата на директорот на Комо, Денис Вајс да тренира во Италија. Но, поради тоа што Велика Британија веќе не е членка на Европската Унија, тој не може да добие договор во Серија Б, туку само во Серија А.
„Имав важна кариера и одлични моменти, но моето време во Англија заврши. Имав лоша репутација поради повредите, и сега барам нов предизвик во луѓето кои веруваат во мене. Не би се двоумел да се приклучам на италијански клуб. Искуството во Комо беше позитивно и мислам дека бргу би се прилагодил. Да, се работи поинаку отколку во Англија со повеќе тактика и техника. Тие кои остануваат во Англија се блиску до своето семејство, добро заработуваат и лигата е силна. Јас сакам нешто поинаку, можеби во Италија, можеби во Шпанија“, вели Вилшир во интервју за „Ла газета дело спорт“.
L’ex stella dell’Arsenal è senza squadra: “A 29 anni ho ancora molto da dare. La serie A? Perché no… ” #Wilshere https://t.co/yetm8VEYu7
— La Gazzetta dello Sport (@Gazzetta_it) September 1, 2021
Вилшир очаен: Како да им кажам на децата дека никој не ме сака
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.
Спорт
„Де Брујне подобар од Лампард, Сколс и Џерард“
Кевин Де Брујне, „мозокот“ на Манчестер Сити е најдобриот офанзивен играч за врска во Премиер лигата, смета поранешниот англиски репрезентативец и поранешен играч на Вест Хем, Челзи и Ливерпул, Џо Кол.
Според Кол, Де Брујне не е најдобар само во оваа ера, туку и воопшто, подобар дури и од големите англиски ѕвезди и легенди на Челзи, Манчестер Јунајтед и Ливерпул.
„Тој е главниот кум меѓу офанзивните играчи од средниот ред во светскиот фудбал. И понатаму мислам дека тој е најдобар во моментов. Кевин Де Брујне е над секој играч од средниот ред во историјата на Премиер лигата. Навистина го мислам тоа. Тука ги вклучувам Френк Лампард, Пол Сколс, Стивен Џерард и сите останати“, изјави Џо Кол и предизвика мал земјотрес меѓу навивачите на овие клубови.
Нема потреба да се споменува што значи Френк Лампард за навивачите на Челзи, колку е ценет Пол Сколс на „Олд Трафорд“ и каква икона е Стивен Џерард на „Енфилд“.
Тешко е да се каже дали Кевин Де Брујн е најдобриот на сите времиња, но неговите настапи во дресот на Манчестер Сити се потврда дека тој секако е еден од најголемите.