Спорт
Чави ја одбил Барселона – клубот не можел да ги исполни неговите барања
Чави, легендата на Барселона, минатиот месец се спомнуваше како можен кандидат за тренерската позиција во Барселона, која остана празна по отказот што клубот му го врачи на Ернесто Валверде. Сепак преговорите што двете страни ги воделе три дена завршија неуспешно, а потоа на клупата на Барсеа седна Кике Сетиен.
Зошто Чави не стана тренер на Барселона? Едноставно во клубот не биле подготвенид а ги исполнат неговите барања.
Според „Кадена СЕР“ првиот услов на Чави бил да го преземе тимот по завршувањето на сезоната, а не во јануари. Челниците на Барселона не сакале да тргнат во потрага по тренер кој би работел само шест месеци во клубот.
Вториот услов на Чави бил да добие овластувања какви што имаат неговите колеги во Англија, односно побарал да го контролира спортскиот сегмент на Барса.
Исто така тој побарал во клубот да биде вратен Карлес Пујол. За легендарниот капитен Чави ја наменил улогата што сега ја има Ерик Абидал, односно сакал Пујол да биде врската помеѓу играчите и клупските челници.
Чави барал и смена на целата лекарска служба и место во стручниот штаб за својот брат Оскар.
По три дневните преговори емисарите од Барселона решиле да ги одбијат сите негови барања и да побараат друг тренер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.
Спорт
Инзаги по освојувањето на титулата: Неверојатно чувство, момците се исклучителни
Со победата од 2:1 над градскиот ривал Милан, фудбалерите на Интер синоќа ја освоија 20. титула во италијанската Серија А и ја сошија втората ѕвезда над грбот на својот клуб.
Интер ја круниса доминантна сезона во Италија и на пет кола до крајот има 17 бода повеќе од Милан.
„Нероаѕурите“ беа убедливи во текот на целата сезона, на 33 натпревари претрпеа само еден пораз, и тоа на домашен терен од Сасуоло.
Тренерот Симоне Инзаги конечно стигна до Скудетото во неговата трета сезона во Интер.
Едвај ја задржа работата на крајот од првата сезона, кога во финишот на сезоната 2021/2022. му ја предаде титулата на Милан, но минатата сезона го одведе Интер до финалето на Лигата на шампионите, а сега ја освои Серија А.
„Неверојатно е чувството, постигнавме нешто извонредно. Има многу протагонисти во овој успех. Пред се, играчите, исто така и директорите, а потоа и Стивен Жанг, за се што ни овозможи на ова патување. Моите мисли одат и кај моето семејство, сопругата и децата, родителите… Мојата мана е што понекогаш не можам да ја напуштам работата и да ја носам дома, но моето семејство е основата на сè“, рече Инзаги.