Спорт
Челси ги искористи „киксовите“ на Ливерпул и Сити да избега на првото место
Челси успеа да отвори предност од три поени на врвот на табелата во Премиерлигата по победата од 0:3 кај Њукасл, откако Ливерпул одигра само 2:2 со Брајтон, додека Манчестер сити беа шокирани од Кристал палас дома губејќи со 0:2.
Рис Џејмс постигна два гола за Челси во 65. и 77. минута, Жоржињо доаде уште еден од пенал во 79.минута на „Сент Џејмс парк“ за осма победа во 10 кола за „сините“ на Томас Тухел, а посебно импресивен беше првиот гол на Рис со кој ја „скршија“ одбраната на Њукасл, кои остануваат без победа во сезоната и се на претпоследното место на табелата.
Ливерпул по магичната 0:5 победа кај лутите ривали Манчестер јунајтед, се „спуштија“ на земја со тешко 2:2 реми против одличните Брајтон. Хендерсон уште во 4. минута од мечот постигна убав гол по асистенција на Мо Салах, за во 24. минута Садио Мане да зголеми на 2:0 и најави нова голема победа на „црвените“. Меѓутоа, Брајтон не се предаде – во 41. минута Енок Мвепу го постигна својот прв премиерлигашки гол во вистински стил, за во 65. минута Леандро Тросар да ја искористи лошата реакција на одбраната за 2:2.
Најдраматично беше на „Етихад“, каде што Пеп Гвардиола и Сити заглавија со 0:2 поразот од Кристал палас. Вилфрид Заха, несомнено, беше човекот на мечот – прво им ја уништи одбраната во шестата минута од мечот за убав гол, за во 45. минута да успее да издејствува црвен картон за Ајмерик Лапорт кој го сопре пред празниот гол на Сити. Во 88. минута, Заха повторно беше клучниот играч на Палас, асистирајќи му на Конор Галагер за 0:2 победа.
Челси сега има 25 поени на врвот на табелата, Ливерпул се на 22, додека Сити имаат 21 поен пред Вест хем и Арсенал со 17 поени.
ПРЕМИЕРЛИГА, 10.КОЛО
Ливерпул – Брајтон 2:2
Манчестер сити – Кристал палас 0:2
Њукасл – Челси 0:2
Барнли – Брентфорд 3:1
Вотфорд – Саутемптон 0:1
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.