Спорт
Четврт-финални натпревари во Лига Европа
Вечерва во Лига Европа ќе се одиграат првите четврт-финални натпревари. Дерби е пресметката помеѓу Арсенал и Наполи, Челси се фаворити против Славија во Прага, Бенфика ќе го пречека Ајнтрахт, а во локалното дерби ќе играат Вилјареал и Валенсија.
Арсенал и Наполи имаат големи амбиции во Лига Европа. трофејот во ова натпреварување ќе значи спас на сезоната за двата клуба. Арсенал, водат голема борба во Премиер лигата за пласман во Лигата на шампионите, но во конкуренција на Челси, Тотенхем и Манчестер Јунајтед не се сигурни дека можат да ја остварат целта.
Лига Европа им е посигурна варијанта за влез во елитата. Наполи од друга страна сигурно ќе игра и наредната сезона во елитата, но евентуалната победа во Лига Европа, ќе ги залечи раните од испаѓањето во лигата на шампионите и поразот од Јувентус во борбата за титулата во Серија А.
Ајнтрахт гостува на „Луж“ во Лисабон, а во Бенфика најмногу стравуваат од својот играч, Лука Јовиќ. Србинот на 18 годишна возраст од Црвена ѕвезда пристигна во Бенфика. Во Лисабон немаа премногу трпение за него, го испратија на двегодишна позајмица во Франкфурт, а Германците имаат право да го откупат неговиот договор.
Челси, веројатно без Еден Азар, гостуваат во Прага кај Славија. „Сините“ се во идентична позиција во која се наоѓаат Арсенал и Наполи, ја сакаат титулата во ова натпреварување за спас на сезоната.
Тимот на Маурисио Сари е апсолутен фаворит, но Славија е далеку од аутсајдер. Чесите во претходната рунда и дадоа четири гола на Севилја.
Голем интерес привлекува и локалното дерби помеѓу Вилјареал и Валенсија. Последнатанивна пресметка во првенството, пред два месеци, заврши со победа на Валенсија 3:0. Меѓутоа Валенсија на последните две гостувања нема постигнато гол на стадионот на Вилјареал.
Двата тима се оптоварени со она што им се случува во домашниот шампионат. Вилјареа се борат за опстанок додека Валенсија е во трка за четвртата позиција и пласман во Лигата на шампионите.
Сите натпревари ќе започнат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.