Нема веќе чекање, во Рим официјално стартуваше 15. Европско првенство во фудбал, со спектакуларен огномет, со маестро Андреа Бочели и со официјалната песна на ЕУРО 2020 во изведба на Боно Вокс и Еџ.

Бочели со легендарната „Nesun dorma“ (Никој нема да спие), ја електризираше атмосферата на славниот италијански стадион, пред Боно Вокс и Еџ да ја исполнат химната на првенството.

Сега 24 репрезентации, вклучувајќи ја и Македонија ќе сонуваат за финалето на „Вембли“ на 11 јули. Да потсетиме, Македонија во недела (18.00) го има своето деби против Австрија.

EURO 2020 Opening ceremony at the Olimpico in Rome! 😍#EURO2020 pic.twitter.com/ADcB2yZZIE

— UEFA EURO 2020 (@EURO2020) June 11, 2021

Капитенот Горан Пандев преку Инстаграм прати порака до нацијата пред историскиот настап на Европското првенство во фудбал, во кое зборува за остварувањето на сонот во неговата кариера и за генерацијата која ја обедини нацијата.

„Дојде и тој ден кога почнува Европското првенство. Денот кој го сонував долго низ мојата кариера. Македонија да игра на едно големо натпреварување, можеби ова се моите последни натпревари за македонската репрезентација. Сакам како капитен да ви се обратам на цела нација. Оваа генерација е најсветото нешто на македонскиот фудбал, ова е генерацијата што ја обедини цела Македонија. Горд сум на секој момент и секоја капка пот пролеана во светиот дрес. Сонот го испишавме, да одиме да испишеме историја. Бидете со нас и навивајте за МАКЕДОНИЈА“, пишува капитенот.

View this post on Instagram

A post shared by Goran Pandev (@goranpandev19)

Капитенот на Португалија, Кристијано Роналдо вели дека има огромна мотивација со неговата репрезентација да ја одбрани европксата титула, иако имаат супер-тешка група на ЕУРО 2020.

Португалија ја почнува одбраната против Унгарија во вторник, а во нивната група Ф се и „тешкашите“ Германија и Франција.

„Се чувствувам дури и помотивиран од 2004 година кога го играв првиот европски турнир. Ние сме актуелни шампиони и мислам дека сме меѓу фаворитите да ја освоиме титулата повторно“, вели Роналдо.

Португалската репрезентација покрај Роналдо во тимот може да се пофали и со ѕвездите на Манчестер јунајтед, Бруно Фернандеш, на Атлетико Мадрид, Жоао Феликс и на Манчестер сити, Рубен Дијаш, кој беше прогласен за најдобар фудбалер во Премиер лигата.

„Португалците можат да го очекуваат истото од нас како и секогаш – репрезентација полна со ентузијазам и амбиции. Позитивни сме и мислам дека ќе оствариме многу“, вели Роналдо, кој ќе го игра своето петто Европско првенство.