Спорт
Циципас нека пази! АТП ќе ги казнува предолгите паузи за тоалет
Од 2022 на тенисерите ќе им биде дозволено да одат во тоалет само еднаш во текот на целиот меч, и може да добијат казна доколку се заддржат премногу, одлучи АТП пред новата сезона, нешто што сигурно е направено да се спречат контроверзите со грчкиот тенисер, Стефанос Циципас.
Според повеќе извори, покрај ограничувањето од одење во тоалет еднаш во текот на мечот, тие не смеат да се заддржат повеќе од 3 минути, а покрај тоа ќе добијат пауза само на крајот на сет.
Ова е резултат на однесувањето на Циципас, кој на САД опен беше обвинет од Енди Мареј дека „мами“ со честото одење во тоалет во нивниот меч од 4 часа и 49 минути. Гркот тогаш направи долга пауза на крајот на вториот сет, и побара медицински тајмаут по крајот на третиот сет, пред во финишот на четвртиот сет да има пауза од 8 минути за тоалет и пресоблекување.
„Загубив почит за него. Дали ова е нормално? Дали е во ред? И тој знае дека не е така“, изјави тогаш лутиот Шкотланѓанец.
Во следниот меч, 23-годишниот Циципас се заддржа во тоалет повеќе од 7 минути по губењето на третиот сет од Французинот Адријан Манарино, по што беше исвиркан од американската публика.
Циципас постојано инсистираше дека не прекршува никакви правила, што нема да биде случај од следната година.
Циципас: Често одам во тоалет за да се пресоблечам, не се работи за тактика
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…