Спорт
Циникот Гвардиола: Ќе смислам невидена тактика, ќе играме со 12 фудбалери
Менаџерот на Манчестер сити, Пеп Гвардиола, ја одржа последната прес конференција пред првиот четврт-финален натпревар во Лигата на шампионите. Сити, утре ќе го пречека Атлетико Мадрид.
„Не можете да анализирате некој тим само според она што го игра во домашното првенство. Мораш да ја гледаш целата слика, во спротивно ќе добиеш погрешен впечаток. Атлетико игра многу повеќе офанзивно од она што луѓето го мислат. Можеби не ризикувата премногу, но поседуваат исклучителен квалитет во нападот. Секако дека нивиот начин на игра и агресивноста ќе зависат од повеќе фактори, од позицијата на топката, од начинот на движењата, сигурен сум дека и тие многу добро ќе знаат што треба да играат и што треба да направат. Во такви моменти тие се одлични. Не сакам да разговарам на тие глупави теми дека тие се дефанзивен тим. Секој игра за да победи, ако победат тие, добро, ако победиме ние, пак добро“, рекол Гвардиола.
На новинарско прашање дека премногу размислува за тактиката, цинично одговорил.
„Во ЛШ секогаш премногу време и посветувам на тактиката. За утре имам целосно нова тактика. Имаме добри резултати бидејќи многу размислувам. Би било здодевно кога секој пат би играле исто. Ако луѓето мислат дека на ист начин ќе играм против Атлетико како против Ливерпул, тогаш грешат. Движењата се поинакви, играчите на противникот се поинакви. Поради тоа размислувам и ги прават тие глупави тактики. Вечерва ќе бидам инспириран и ќе смислам неверојатна тактика за утре. Ќе играме со 12 фудбалери.
Натпреварот Сити-Атлетико ќе започне во 21.победникот од двата натпревари, во полу-финалето ќе игра против Реал Мадрид или Челси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.