Спорт
Црвена звезда: А ние во Белград да побараме транспарент „Косово е Србија“?
Кошаркарскиот клуб Црвена звезда реагираше со соопштение по инцидентите со кои беше одбележан дуелот од Евролигата против литванскиот Жалгирис во Каунас, кога кошаркарите на српскиот клуб одбија да застанат зад знамето на кое пишуваше „Стоп на војната“ со боите на украинското знаме.
По ваков почеток на мечот, имаше и пресметки на трибините помеѓу навивачите на двата клуба, но и погрдни извици кон кошаркарите на српскиот клуб.
„КК Црвена звезда за да се отстранат сите шпекулации и политизација на нашиот гест пред мечот во Каунас, мора да излезе со соопштение. КК Црвена звезда како спортски клуб и претставник ан Република Србија зазеде јасна позиција во однос на конфликтот во Украина, нешто што им беше дадено на знаење на луѓето од Евролигата и луѓето од Жалгирис, дека нема да се дозволи политизација и носење на банер во бои на било која држава. Апелираме на сите звездаши да не го осудуваат Ерон Вајт и да не мешаат политика, туку да го поддржат како спортист кој е вистински професионалец. За жал, нашето барање да не носиме банер кој не е неутрален не беше послушано и со тоа се нарушуваат основните начела на Евролигата и кошарката. Како да ги протолкуваме скандирањата ‘Fuck You Serbia’, нападот и исфрлувањето на навивачите на Црвена звезда бидејќи го носат нашето знаме и истакнувањето на знамето на НАТО, како и промоцијата на извиците ‘Слава на Украина’. Зошто во 1999 за време на агресијата на НАТО кошаркарите на Жалгирис не носеа банер: ‘Сопрете ја агресијата на Југославија’? Дали КК Црвена звезда може да бара од сите кои ќе играат во Белград да носат транспарент ‘Косово е Србија’ за да го интернационализираме проблемот. Бараме Евролигата итно да реагира, да поднесе дисциплинска постапка и да го санкционира ова кршење на основните начела на спортот. КК Црвена звезда ќе продолжи да ги промовира вистинските вредности на кошарката“, се вели во соопштението на клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.