Спорт
Дакар 2021: Петерхансел незапирлив, Тоби Прајс заврши во болница

Французинот Стефан Петерхансел, 13-кратен шампион на Дакар релито, се врати со доминантна победа на деветтата етапа по проблемите кои ги имаше вчера, додека Карлос Саинс речиси сигурно ги загуби шансите за победа откако загуби дури 22 минути во текот на етапата.
Петерхансел беше најбрз на 465 километри долгата етапа околу Неом во Саудиска Арабија, правејќи предност од 18 минути пред Катарецот Насер Ал-Атијах, кој имаше малер со две дупнати гуми во текот на етапата. Саинс пак, имаше дупната гума и проблем со сопирачките за едвај да стигне на целта и сега заостанува 1 час и 2 минути зад Петерхансел на три етапи пред крајот на трката. Ова беше прва етапна победа на Петерхансел на овогодишната трка.
Чекор кон неочекувана победа направи и Чилеанецот Хозе Игнасио Корнехо во пласман на мотоцикли, откако направи предност од 10 минути по падот и хоспитализирањето на Тоби Прајс на деветтата етапа.
Неговиот колега од Хонда, Кевин Бенавидес победи на деветтата етапа со 1:34 пред Корнехо, но двајцата беа над 13 минути пред конкуренцијата. Австралиецот Прајс (КТМ) падна по 155 километри од трката и веднаш со хеликоптер беше однесен во болницата во Табук со повреди на десниот зглоб и левото рамо. Официјалните лица објавија дека тој е свесен.
По неговото откажување, Корнехо има 11:24 предност пред Бенавидес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал со голема победа кај Лестер

Арсенал го забележа само вториот триумф во последните шест меча во Премиер лигата, откако на супер-тешкото гостување кај Лестер се вратија за 3:1 победа.
Мечот започна на најлош можен начин за „топчиите“, откако Јури Тилеманс им даде гол по само шест минути игра. Но, во финишот на првото полувреме, тимот на Микел Артета направи импресивен камбек – прво Давид Луиз со убав удар со глава во 39. минута израмни, за потоа во судиското надополнување, Александер Лаказет од пенал да донесе 1:2 водство. Многу критикуваниот Никола Пепе во 52. минута стави точка на натпреварот.
Арсенал сега се на 9. место на табелата со 37 поени (еден пред лутиот ривал Тотенхем), додека Лестер остануваат трети со 49 поени, колку што има и второпласираниот Манчестер јунајтед и дури 13 поени зад лидерот Манчестер сити.
Во вториот премиерлигашки меч, Кристал палас и Фулам одиграа 0:0 реми, со кое Фулам дојде на само три поени од безбедната зона откако имаа катастрофален старт на сезоната и се сметаше дека се „печени“ за враќање во Чемпионшип.
Спорт
Совршен февруари за Матју Фавр – прво две злата, сега победа во Банско

Двократниот светски шампион, французинот Матју Фавр стигна до импресивна победа на велеслаломот од Светскиот куп во бугарскиот ски-центар Банско, остварувајќи го првиот триумф по пауза од четири години.
Французинот имаше две импресивни возења поставувајќи две најдобри времиња за да го победи Швајцарецот Марко Одермат и сонародникот Алексис Пинтуро за совршен камбек откако на вчерашната трка заврши на второто место.
Одермат со второто место се доближи на само 45 поени зад лидерот во генерален пласман Алексис Пинтуро, додека Филип Зубчиќ по вчерашната победа, имаше лошо прво возење и Хрватот се задоволи со 14. место. Фавр, кој освои две злата на неодамна завршеното Светско првенство, сега е петти во генерален пласман во велеслалом на две трки до крајот на сезоната.
Спорт
Сунинг се откажа од кинескиот шампион, дали следен е Интер?

Шампионот од кинеската Суперлига, Џиангсу ФЦ веќе не функционира, потврдија сопствениците „Сунинг“ во неделата во засрамувачки развој на настаните во кинескиот фудбал, кој исто така донесе многу шпекулации околу иднината на далеку пославниот тим во сопственост на „Сунинг“, италијанскиот Интер.
„Сунинг“ го купи Џиангсу во 2015 година, и го оствари најголемиот успех, титулата од тешката Суперлига, но по колапсот на пазарот поради КОВИД-19, сопственикот Жанг Џиндонг им соопшти дека клубот е на продажба за 1 цент, иако тој што сака да го купи ќе мора да ги преземе и долговите.
Кинеската власт во последно време ги ограничи парите кои што можат компаниите да ги вложуваат во своите клубови, а на Џиангсу им нареди да го сменат името од Џиангсу Сунинг.
Во Италија пак, подолго време се шпекулира дека „Сунинг“ бара инвеститор, односно партнер кој би внесол свеж капитал во Интер, иако не се отфрла можноста некој целосно да го преземе клубот.
Official: Suning Group announce all their football clubs(in China), including the CSL reigning champion Jiangsu FC(formerly Suning), the Women's CSL powerhouse Jiangsu Suning Women's(2019 WCSL champion) and youth teams of all levels, 'cease operation from today'. pic.twitter.com/BSv2I5V2bf
— Titan Sports Plus (@titan_plus) February 28, 2021
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа4 дена
Планот за отклучување на Германија протече во медиумите, Меркел: Имаме трет бран