Барселона утре од 16.15 часот на „Ноу Камп“ го дочекува најголемиот шпански ривал – Реал Мадрид во големото дерби на 10. коло во Ла Лига.

„Кралевите“ моментно се второпласирани со 17 бодови, 2 повеќе од Барселона која врза два триумфи.

„Нема овој натпревар да одлучува многу што се однесува на првенството, но победа би ни донела многу самодоверба. Досега не играме баш најдобро. Едноставно мора да сме поефикасни“ смета Жерар Пике.

Шпанските новинари побараа од него да ги спореди младите ѕвезди на двата тима – Ансу Фати и Винисиус Јуниор.

„Ако бидат здрави, тие се иднината на фудбалот. Винисиус е побрз, експлозивен, поекстремен играч. Ансу е поталентиран и поснаодлив пред голот, а Винисиус е еден од најдобрите светски играчи во игра еден на еден“ смета Пике.

Шпанскиот дефанзивец не заборави дека Реал во нападот го имаат фантастичниот Карим Бензема.

„Бензема се спаси со заминувањето на Роналдо. Тој остави дупка зад себе, а неа сјајно ја пополни Бензема кој сега е потполно смирен и фокусиран на постигнувањето голови. Последните сезони игра одлично. Но Реал не е само Бензема и Винисиус. Имаат многу сјајни играчи“ смета дефанзивецот на Барселона.

Нервоза во редовите на аспирантот за НБА титулата, тимот на големи ѕвезди ЛА Лејкерс.

„Езерџиите“ ноќеска загубија од Феникс Санс со 115-105, а на еден тајм-аут, Ентони Дејвис тргна физичка да се пресмета со соиграчот Двајт Хауард.

Соиграчите спречија поголем инцидент. Нервозата кај Лејкерс е очигледна ако се знае дека сезонава ја почнаа со два порази, а ги загубија и сите контролни мечеви во подготвителниот период.

Еве како изгледаше дуелот на Дејвис и Хауард:

More complete video of Howard-Davis altercation, starting from walking off the court when the timeout is called. pic.twitter.com/3JQ7FaTWtb

— Matt Petersen (@TheMattPetersen) October 23, 2021

На споменатиот меч, Крис Пол кај „сонцата“ стана првиот кошаркар во историјата на НБА со 20.000 поени и 10.000 асистенции.

Chris Paul is the first player in NBA history with 20,000 points and 10,000 assists.

Point. God. pic.twitter.com/3xyo0xGOpL

— StatMuse (@statmuse) October 23, 2021

Ова се сите ноќешни резултати во НБА лигата:

Кливленд – Шарлот 112-123
Орландо – Њујорк 96-121
Вашингтон – Индијана 135-134
Бостон – Торонто 83-115
Филаделфија – Бруклин 109-114
Чикаго – Њу Орлеанс 128-112
Хјустон – Оклахома 124-91
Денвер – Сан Антонио 102-96

Арсенал се врати на победите, откако на „Емирати“ стигна до убедлив 3:1 триумф над Астон вила за да се израмни со Манчестер јунајтед на табелата пред нивното дерби со Ливерпул овој викенд.

Томас Парти го постигна својот прв гол во дресот на Арсенал во 25. минута да донесе водство на тимот на Микел Артета за во финишот на првото полувреме да биде досуден пенал за домаќините. Емилијано Мартинез, инаку поранешен голман на Арсенал, го одбрани првиот обид на Пјер-Емерик Обамејанг, за одбиената топка сепак да заврши во неговиот гол. Џејкоб Ремзи во 82. минута го намали водството на Арсенал.

Емил Смит-Роу во 56. минута ги запечати трите поени за Арсенал, кои доаѓаат по две ремија во низа за „топчиите“, кои исто така имаат шест меча без пораз во Премиерлигата.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));