Освен што е познат како еден од најдобрите фудбалери на сите времиња, португалскиот ас Кристијано Роналдо е препознатлив и по својот победнички менталитет, каде и да игра.

Иако Манчестер Јунајтед се чини не го игра најдобриот фудбал во моментов, без Португалецот сето тоа би изгледало уште полошо.

Англиските медиуми дознаваат дека Роналдо всушност бил клучот на пресвртот на мечот од ЛШ против Аталанта откако италијанскиот тим по првите 45 минути имаше предност од 2-0 на „Олд Трафорд“.

„Не само што го постигна победничкиот гол за 3-2, туку и при негатива од 2-0 на полувремето во соблекувалната на висок тон им одржал лекција на соиграчите. Ги прашал соиграчите дали не им е срам. Им рекол дека ова што го прикажуваат не доликува на Манчестер Јунајтед на `Олд Трафорд`. Им рекол дека мора да дојдат до победата затоа што ако тоа не се случи, може да се најдат во ситуација да не ја поминат групата“ ја пренесува „Сан“ информацијата од доверлив извор од клубот.

Тренерот на Баерн Минхен, Јулијан Нагелсман се зарази со коронавирусот, а јавноста во Германија е шокирана со фактот што и понатаму петмина фудбалери се уште не се вакцинирани.

Шокот е уште поголем ако се знае дека фудбалерот на баварскиот тим, Џошуа Кимих кој заедно со Леон Горецка ја основаа фондацијата „Да ја шутнеме короната“ се уште не е вакциниран. Двајцата фудбалери дадоа по 1 милион евра.

„Секој од нас може нешто да стори за короната да не се шири понатаму, а сите заедно можеме да дадеме допринос за општеството“ изјави Кимих.

Тој и на УНИЦЕФ му донираше 500.000 евра за развивање на вакцина против Ковид 19, иако самиот се уште не е вакциниран.

Како што пишува угледниот „Билд“, Џошуа не е против вакцинација, туку сака да почека многу поквалитетна вакцина од постоечката.

Тренерот пак на Баварците Нагелсман пропагира општа вакцинација.

„Прашајте ги луѓето кои работат на клиниките каков е пеколот ако не сте вакциниран“ смета тој.
Нагелсман иако бил двапати вакциниран, сепак во моментов е во изолација откако е позитивен на вирусот.

Официјално, српскиот кошаркарски тренер Зоран Лукиќ е новиот селектор на кошаркарската селекција на Русија. Тој во своето прво обраќање изјави:

„Имавме продуктивна конверзација и веднаш почувствував големо интересирање. Оваа седмица им ја претставив својата филозофија, моето мислење“ рече Лукиќ.

Тој долги години со успех работи во Русија.

„Во Нижни Новгород традиционално се обидувам да направам баланс меѓу остварувањето спортски резултати и можноста за младите играчи. Често тренерите се во средина. Голема е честа да се води селекцијата, но јас ќе прифатев само две понуди – Русија или Србија!“ рече Лукиќ.

Тој првпат ќе ги собере кошаркарите на средината на ноември, а на 26. и 29. идниот месец Русија ја очекуваат мечеви против Италија и Исланд во рамки на квалификациите за Мундобаскетот 2023.

Зоран Лукич назначен на пост главного тренера сборной России по баскетболу 🏀

Сербский наставник — идеальный рулевой в сложившихся обстоятельствах: https://t.co/MM9WG94MmH pic.twitter.com/XC5jlLcNV2

— Чемпионат (@championat) October 22, 2021