Спорт
Далиќ нема доверба во Петковиќ и Брекало – Анте Ребиќ е казнет!
Селекторот на хрватската фудбалска репрезентација Златко Далиќ го објави списокот на фудбалери на кои ќе смета за септемвриските квалификации за Мундијалот во Катар. Од селекцијата испаднаа Петковиќ и Брекало, а напаѓачот на Милан, Анте Ребиќ е казнет поради инцидентот кој го направи за време на мечот против Шпанија на ЕП.
Најголемо изненадување за хрватската спортска јавност е изоставувањето на напаѓачот на Динамо Загреб, Бруно Петковиќ. Нема објаснување зошто во составот ќе го нема ниту Јосип Брекало кој настапи на ЕУРО2020.
Во репрезентацијата е Борна Соса кој пред ЕП одлучи да настапува за Германија, но ФИФА не му овозможи да земе спортско државјанство. Поради тоа Далиќ го казни и тој не беше дел од ЕП, но сега се враќа во националниот тим.
Уште еден повратник во селекцијата на „коцкастите“ е Марко Ливаја, напаѓачот на Хајдук.
⏳ A busy autumn awaits with more 2022 @FIFAWorldCup @EuroQualifiers!
?? Here is #Croatia squad for three September challenges ?#BeProud #Family #Vatreni? pic.twitter.com/hDrILFaFtA
— HNS (@HNS_CFF) August 16, 2021
Хрватска на 1. септември гостува во Русија, а три дена подоцна оди нагости во Словачка. На 7. истиот месец ја пречекуваат соседна Словенија.
По 3 кола Хрватска е прва на табелата со 6 бода, исто толку бодови има и Русија, Словачка е трета со 5, Кипар четврти со 4, а Словенија е на петтата позиција со 3 поени. „Фенерот“ е за Малта со само еден бод.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ненадејно почина момчето на Арина Сабаленка
Константин Колцов, поранешен белоруски хокеар, ненадејно почина на 43-годишна возраст. Колцов поранешен играч на НХЛ, а последните две и пол години беше во врска со Арина Сабаленко. Колцов бил пронајден мртов во Мајами. Тој ја придружувал својата девојка на американската турнеја.
„Со длабоко жалење ве известуваме дека почина тренерот на Салават Јулаев, Константин Колцов. Тој беше силна и весела личност, сакана и почитувана од играчите, соиграчите и навивачите“, соопшти Салават Јулаев, клубот во кој работеше како тренер.
Сабаленка е втората тенисерка во светот. Колцов ја бодреше од трибините во јануари кога таа ја одбрани титулата на Австралија опен.
Сабаленка последниот меч го одигра пред шест дена во Индијан Велс, кога беше поразена од Американката Ема Наваро. Оваа недела таа треба да настапи на Мастерсот во Мајами, но сигурно е дека ќе се повлече од турнирот.
Спорт
Реал на суд ќе бара правда за Винисиус Жуниор
Реал Мадрид поднесе жалба до Фудбалскиот сојуз на Шпанија за однесувањето на судијата Хуан Мартинез Мунуера, кој во саботата вечерта не направи ништо во врска со навредите кон Винисиус Жуниор и мајмунските крици, кои како што тврдат од Мадрид, јасно се слушнале од трибините на „Ел Садар“.
Во жалбата се наведува дека Мартинез Мунуера ги игнорирал не само извиците кои можел да ги слушне самиот, туку и сугестиите на играчите на Реал, кои му покажале од кој дел на трибините се упатени расистичките навреди кон нивниот соиграч и стрелец на два гола во победата над Осасуна од 2:4.
Клубот потсетува дека главниот судија на натпреварот морал да реагира според правилата, но и според шпанскиот закон, но ништо не направил.
Притоа, Мартинез Мунуера во извештајот од натпреварот не го нотирал говорот на омраза и расистичките навреди кон бразилскиот ас, кој е честа мета на расисти на трибините низ Шпанија.
Токму поради оваа причина, бидејќи сметаат дека фудбалските судии не сакаат да ги заштитат фудбалерите, Реал Мадрид реши да ја проши жалбата во врска со овој случај пред редовниот шпански суд. До обвинителството Реал доставиле докази за се што се случи, не само во Памплона, туку и во други градови.
Во тој документ се наведени и случаите од гостувањата на Реал во Валенсија, Барселона и кај градскиот ривал Атлетико.
Спорт
Прв пат по седум години Гризман ќе пропушти натпревар на Франција
Напаѓачот на Атлетико Мадрид Антоан Гризман (32) ќе ја прекине рекордната серија од 84 последователни настапи за француската фудбалска репрезентација.
Поради повреда на скочниот зглоб, Гризман ќе ги пропушти пријателските натпревари против Германија во Лион на 23 март и Чиле во Марсеј три дена подоцна.
Гризман се повреди пред три недели, во текот на првиот осминафинален меч против Интер во Лигата на шампионите. Не играше до реваншот со Интер, кога се врати во тимот и со својот гол му помогна на Атлетико да се пласира во четвртфиналето. Во неделата против Барселона играше само во второто полувреме.
Напаѓачот на Атлетико играше за „триколорите“ во последните седум години. На местото на гризман, селекторот Дидие Дешамп го повика играчот од средниот ред на Лацио, Матео Гуендузи.
За француската репрезентација Гризман на 127 настапи постигна 44 гола.