Спорт
Дани Алвеш: ПСЖ мора да ме слушаат ако сакаaт да победуваат
Бекот на Пари Сен-Жермен, Дани Алвеш вели дека ги има одговорите за постојаните проблеми на неговиот клуб и рецепт за кревање на повисоко ниво, но посочи дека мора да го „слушаат повеќе“ за да имаат успех во Европа.
Алвеш освои три титули од Лигата на шампионите со Барселона, а загуби и уште едно финале (2016/17 со Јувентус), а покрај тоа 35-годишниот ветеран има и две титули од Лига Европа со Севилја, и една титула од Копа Америка со Бразил. ПСЖ оваа сезона беше елиминиран од Манчестер јунајтед во осминафиналето на ЛШ и покрај тоа што победи со 2:0 на гости, и Алвеш, иако го пофали тренерот Томас Тухел, вели дека неговото искуство може да помогне.
„Морате да го слушате искуството и сакам да ме слушаат повеќе. Знам што можеме да оствариме, бидејќи го искусив тоа. Имам чувство дека во клубот не го знаат тоа. Знам како ќе победиме и како ќе загубиме. Сакам да ме следат, да ме слушаат“, вели Алвеш во интервју со „РМЦ спорт“.
Бразилецот посочува дека клубот го потценил Манчестер јунајтед.
„За сите тоа беше непријатно изненадување, но јас ги предупредив дека со историски клуб како Манчестер мораш да бидеш внимателен. Во Лигата на шампионите, како и во тенисот, историјата ќе биде против тебе. Томас Тухел е најдобриот трансфер кој го направи ПСЖ од моето доаѓање, бидејќи не сум видел толку умен и детален тренер. Тој ги проучува мечевите многу добро“, вели Алвеш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.